យុវជនខេត្តបាត់ដំបងរួមគ្នាចែកអាល់កុល និងសំភារៈប្រើប្រាស់ ដល់ជនក្រីក្រដែលខ្វះខាត ស្តាប់រឿងពិតសែនក្តុកក្តួលនៃជីវិតអ្នកក្រ ​(មានវីដេអូ)

ដោយសារតែវីរុស  Covid-19  បាននឹងកំពុងតែរាលដាលដល់ប្រទេសជាច្រើនជុំវិញពិភពលោក សូម្បីតែប្រទេសកម្ពុជាយើងក៏បានរកឃើញអ្នកផ្ទុកវីរុសនេះជាច្រើនករណីដែរ  ដោយវីរុសនេះក៏អាចការពារបានតាមរយៈការលាងដៃនឹងសាប៊ូ លាងនឹងអាល់កុល និងជែលលាងដៃស្ងួត ពិសេសពាក់ម៉ាស់រាល់ពេលចេញទៅក្តៅជួបនឹងមនុស្សអ៊ូអរ។

ជាក់ស្តែងដោយសារតែវីរុសនេះ ​ធ្វើឱ្យមុខទំនិញជាច្រើនមានការឡើងថ្លៃ ​ពិសេសគឺម៉ាស់  អាល់កុល  និងអាល់កុលលាងដៃ  ដែលធ្វើឱ្យប្រជាជននៅជនបទ និងប្រជាជនក្រីក្រខ្វះខាតមិនអាចមានលទ្ធភាពទិញយកមកការពារសុខភាព។ យ៉ាងណាមិញគួរឱ្យសរសើរទឹកចិត្តយុវជននៅក្នុងខេត្តបាត់ដំបង ២រូប  បានមូលមតិគ្នាចេញជាថវិកាផ្ទាល់ខ្លួនទិញអាល់កុល និងសំភារៈប្រើប្រាស់មួយចំនួនចុះចែកដោយផ្ទាល់ដល់ជនដែលខ្វះខាតនៅក្នុងខេត្តបាត់ដំបង ​ដោយមានការរួមចំណែកជាកម្លាំង និងទឹកចិត្តនៃយុវជនខេត្តបាត់ដំបងជាច្រើនរូបផងដែរ។

91517613_1254237418118317_5719234152784461824_n

91279059_1523273837830247_3797114332228091904_o

តាមរយៈគណនីហ្វេសប៊ុក Sun Edward បានឱ្យដឹងថា៖ « ត្បិតតែមិនច្រើន តែជាទឹកចិត្តខ្មែរជួយខ្មែរពេលលំបាក

"អ្នកមានខ្លាចជំងឺដេកផ្ទះ ឯអ្នកក្រខ្លាចដាច់ពោះជាងខ្លាចជំងឺ"

ថ្ងៃនេះពិតជាមានចិត្តជ្រះថ្លា ដែលក្រុមខ្ញុំបាទជាពិសេសម្ចាស់ជំនួយ Norng Savady បាននាំគ្នាចុះចែកទឹកអាកុលនិងសម្ភារះប្រើប្រាស់មួយចំនួន ជូនអ៊ុំចាស់ៗដែលមានជីវភាពលំបាកក្នុងការទិញរបស់ទាំងអស់ សម្រាប់ការពារខ្លួន នៅតាមទីប្រជុំជននិងពេញក្រុងបាត់ដំបងមួយចំនួន ។

ហើយមានរឿងមួយដែលសឹងតែខ្ញុំទប់ទឹកភ្នែកមិនជាប់ ព្រោះតែពួកគាត់សប្បាយចិត្តសឹងតែស្រក់ទឹកភ្នែកក្រោយទទួលបានសម្ភារះបន្តិចបន្តួចទាំងនោះ ហើយខ្ញុំពិតជាអាណិតអ៊ុំស្រីម្នាក់ ដែលគាត់សប្បាយចិត្តស្ទើតែស្រក់ទឹកភ្នែក ព្រោះគាត់និយាយថា ដោយសារតែរបស់ទាំងអស់នោះ ឡើងថ្លៃមិនថាបន្លែត្រីសាច់ ដូច្នេះគាត់ត្រូវបង្ខំចិត្តទិញអង្ករច្រកឆ្នាំងច្រើនជាងទិញអាកុលនិងម៉ាស !! ខ្ញុំសួរថាគាត់ អត់ខ្លាចទេហ !!

គាត់ឆ្លើយថា គាត់ខ្លាច តែធ្វើមិចបើរបស់ឡើងថ្លៃហើយគាត់លក់អត់ដាច់ ស្ងាត់ទៀត ចឹងពេលនឹង គាត់គិតពីកូនតូចៗហើយ !! និយាយទៅជីវិតអ្នកក្រ ពិតជាត្រូវលំបាកគ្រប់យ៉ាង ហើយពិតជាយល់ច្បាស់ពីការតស៊ូរបស់ពួកគាត់។

មើលទៅឥវ៉ាន់បើនៅតែឡើងថ្លៃ អ្នកមានត្រូវរស់ហើយ អ្នកក្រប្រហែលជាត្រូវដាច់ពោះស្លាប់ហើយ ព្រោះតែអាជីវករមួយចំនួនគិតតែប្រយោជន៍ខ្លួនឯង !!

#bestMemoriesOflife #WeDoForPoorPeople #ForCambodianPeople #Battambong​​»។

87151610_2642076602689678_1697112922074906624_o

91050172_2675747005989304_4407124414110367744_n

91399081_2675746755989329_7816555838352392192_n


សូមឱ្យយុវជនខ្មែរ ​និងប្រជាជនខ្មែរទាំងអស់រួមគ្នាប្រយុទ្ធប្រឆាំងនឹងវីរុស ​Covid-19  ពិសេសរួមគ្នាធ្វើអំពើល្អសម្រាប់សង្គមឱ្យបានច្រើន ក្នុងនាមជាកូនខ្មែរតែមួយ៕

91289237_1254237351451657_7297561078454550528_n

91283116_2675747209322617_693555193018580992_n

91181372_2675747302655941_3660768366328545280_n

91186816_678294359379816_4808786955313610752_n

សូមទស្សនាវីដេអូខាងក្រោមនេះ ៖