មិនមែនតែស្បៀងទេ! ​នេះជារបស់ ៨មុខ ដែលអ្នកត្រូវត្រៀមក្នុងគ្រាអាសន្ន និងពេលមានរោគរាតត្បាត

ថ្មីៗនេះដោយសារតែវីរុសរាតត្បាត ​Covid-19  ដែលមិនត្រឹមតែប៉ះពាល់ដល់សុខភាពប្រជាជន ​ដោយមានករណីឆ្លងរោគ និងស្លាប់ជាច្រើនករណីនោះទេ ​តែវីរុសនេះក៏បានបង្ខំមនុស្សជាច្រើនឱ្យស្នាក់នៅក្នុងផ្ទះដើម្បីសុវត្ថិភាពផ្ទាល់ខ្លួន និងការពារការឆ្លងមេរោគពីខាងក្រៅផងដែរ។

ដោយសារតែវាជាវីរុសរាតត្បាត ​ប្រទេសជាច្រើនបានប្រកាសអាសន្ន  ហាងទំនិញ ​និងហាងលក់របស់ប្រើប្រាស់ចាំបាច់ជាច្រើនត្រូវបិទទ្វារ ​ដោយឱ្យប្រជាជននៅតែផ្ទះ។  ដូច្នេះស្ថិតនៅក្នុងអាសន្នបែបនេះ ​សូមចូរចងចាំថា ​ការត្រៀមរបស់ប្រើប្រាស់ និងស្បៀង ​គឺជារឿងចាំបាច់ខ្លាំងណាស់ដែលអ្នកត្រូវតែមាននៅក្នុងផ្ទះ។

25197562 0 Image A 4_1582672724675

នេះជារបស់ ​៨យ៉ាងសំខាន់ៗដែលអ្នកត្រូវត្រៀមទុកពេលមានអាសន្ន ៖

១. ទឹក

ចូរសន្សំទឹកផ្ទាល់ខ្លួនយ៉ាងហោច ​១ Gallon  (ប្រមាណ ​៣លីត្រ) ​សម្រាប់មនុស្សម្នាក់ៗ  យ៉ាងហោចឱ្យបាន ​៣ថ្ងៃ ។ ដោយអ្នកប្រហែលជាមិនចាំបាច់សន្សំជាដបទឹកបរិសុទ្ធក៏បានដែរ  ដោយគ្រាន់តែបំពេញទឹកឱ្យពេញនៅក្នុងអាងទឹក ​ឬធុងស្តុកទឹកឱ្យពេញៗ។

SlideshowImage_286

Water Tank Installation Specialists 1

២. អាហារ

អាហារគឺជាស្បៀងសំខាន់ណាស់ ​ដែលអ្នកត្រូវតែត្រៀមទុកមាននៅក្នុងផ្ទះយ៉ាងហោចទុកទទួលទានឱ្យបាន ​២សប្តាហ៍ ​ដោយបូកបញ្ចូលទាំងអង្ករ ​ម្ហូបក្រៀមៗ អាហារកំប៉ុង ម្សៅ ​មី  ត្រី សាច់កកៗ ពពួកបន្លែ និងគ្រឿងទេសន៍សំខាន់ៗជាដើម ​ដោយអ្នកអាចទុកនៅក្នុងទូទឹកកក ​ឬបន្ទប់ស្តុកទុកដែលអាចថែទាំអាហាររបស់អ្នកកុំឱ្យឆាប់ខូច។

5e5bf047fee23d12bf5723d2

Fullsizeoutput_16bcc 1024x683

Unnamed

៣. គ្រឿងផ្ទះបាយ

អ្នកអាចត្រៀមស្បោងធំៗ ប្រអប់ដាក់ម្ហូបអាហារ ​ចាន ​ពែង ​ឬប្រដាប់ប្រដាផ្សេងៗផ្ទុកស្បៀងរបស់អ្នក ​នៅក្នុងពេលចាំបាច់​ ព្រោះរាល់ពេលអាសន្ន ​អគ្គិសនីអាចនឹងផ្តាច់គ្រប់ពេលដែលនាំឱ្យអាហាររបស់អ្នកខូច។

បន្ថែមពីនេះអ្នកអាចត្រៀមទុកក្រដាសអាលុយមីញ៉ូម  ហ្គាស ​អូស ​ធ្បូង  ហើយអាចទិញសាប៊ូលាងចាន  សាប៊ូអូសាវែល (bleach ) ត្រៀមទុកទៀតរឹតតែប្រសើរ ​ដោយសាប៊ូអូសាវែល (bleach ) ១ភាគ ​លាយជាមួយនឹងទឹក ​៩ភាគ ​អាចប្រើជាទឹកសម្លាប់មេរោគបាន ​។

71J6P4BYbiL._AC_SY450_

៤. សំភារៈកូនក្មេង

ប្រសិនជាផ្ទះរបស់អ្នកមានកូនង៉ែត ​ឬកូនក្មេង  អ្នកត្រូវត្រៀមរបស់ចាំបាច់ទុកមិនអាចខ្វះបាន ​ដូចជាទឹកដោះគោឆុងឱ្យកូន កន្ទប អាហារកូនក្មេង ​រួមទាំងសំភារៈចាំបាច់ជាច្រើនទៀតសម្រាប់កូនៗតូចលោកអ្នក។

Retail Genius Home Needs E1539771924697

Pregnancy_baby_supplies

៥. គ្រឿងសម្រាប់សត្វចិញ្ចឹម

បើអ្នកមានសត្វចិញ្ចឹម ​អ្នកអាចត្រៀមរបស់របរចាំបាច់សម្រាប់សត្វជាទីស្រលាញ់ដូចជាអាហារសត្វ ប្រដាប់ស្ពាយសត្វចិញ្ចឹម ​និងថ្នាំពេទ្យមួយចំនួន។

Pet Supplies Dog


៦. ឧបករណ៍ប្រើប្រាស់បន្ទាន់

-អ្នកត្រូវប្រាកដចិត្តថាមាន ​ពិលនៅក្នុងដៃយ៉ាងហោច២  ដោយមានថ្មពេញៗ ​ទៀន ​ឈើគូស ពិលពាក់នឹងក្បាលពេលដើរទីងងឹត ឆ្នាំងសាក ​Power Bank  ថ្មពិល ​វិទ្យុទាក់ទង សម្រាប់ប្រើប្រាស់បន្ទាន់ពេលអាសន្នភ្លាមៗ។

-អ្នកក៏អាចត្រៀម អាគុយ ​ភ្លើងអំពូលសាកភ្លើង ​អំពូលសូឡា  ក្នុងករណីគ្មានអគ្គិសនី

-ត្រៀមភួយតូចៗជាមួយនឹងសាប៊ូ កន្សែងពោះគោ ​ត្រៀមបំរុងសម្រាប់មនុស្សម្នាក់ៗក្នុងករណីចាំបាច់ពេលត្រូវភៀសខ្លួនចេញពីផ្ទះ

-អ្នកក៏អាចត្រៀមធុងជ័រ ​ឡាំង ​ឬរបស់របរផ្សេងៗដែលអាចជួយធ្វើជាជម្រកនៅខាងក្រៅពេលមានអាសន្នណាមួយផងដែរ។

E138_web

FirstAid Kit

៧. ឧបករណ៍សង្គ្រោះបឋម

អ្នកអាចត្រៀមកាបូបមួយដែលផ្ទុកទៅដោយរបស់សង្គ្រោះបន្ទាន់ដែលអាចប្រើប្រាស់បានរយៈពេល ​២សប្តាហ៍ ដូចជា ថ្នាំពេទ្យ បង់បិទរបួស អាល់កុល ​ថ្នាំក្រហម ​ថ្នាំសម្លាប់មេរោគ ទឹកលាងដៃស្ងួត ថ្នាំលេបបំបាត់ការឈឺចាប់ ថ្នាំរាគរូស គ្រាប់ថ្នាំវីតាមីន និងទែម៉ូម៉ែត្រវាស់កម្ដៅជាដេីម។

First Aid Kit

First Aid Kit (1)

៨. របស់ប្រើប្រាស់ក្នុងបន្ទប់ទឹក

ត្រៀមរបស់ផ្គត់ផ្គង់ក្នុងបន្ទប់ទឹកដូចជា ​ក្រដាសបង្គន់ សាប៊ូកក់សក់ ​សាប៊ូដុសខ្លួន ថ្នាំដុសធ្មេញ ច្រាសដុសធ្មេញ និងឡាម ហើយប្រសិនជាក្នុងផ្ទះមានមនុស្សស្រីកុំភ្លេចផលិតផលអនាម័យស្ត្រីផង។

Toiletries Flat Lay Toothbrush Shampoo Brush Towel

#អ្វីដែលត្រូវតែត្រៀមពេលមានអាសន្ន

-ដឹងឱ្យច្បាស់ថាមានសមាជិកគ្រួសារណាម្នាក់ស្គាល់ទីតាំងបិទហ្គាស ​ផ្តាច់អគ្គិសនី ​ដើម្បីពេលអាសន្នងាយស្រួលចាត់ចែងការងារ

-រក្សាទុកឯកសារសំខាន់ៗជាប់នឹងខ្លួនដូចជាអត្តសញ្ញាណបណ្ណ ​សំបុត្រកំណើត ​សៀវភៅគ្រួសារ ​បណ្ណការងារ ​សញ្ញាបត្រ សៀវភៅធនាគារ រួមទាំងឯកសារសំខាន់ផ្សេងៗក្នុងថង់ ​ឬកាបូបដែលមិនជ្រាបទឹក។

-កត់ឈ្មោះសមាជិក ​និងស្ថានភាពសុខភាពរបស់សមាជិកនីមួយៗជាមួយថ្នាំផ្សេងៗឱ្យត្រូវអាការដើម្បីត្រៀមពេលមានអាសន្ន។

-កត់អាសយដ្ឋាន ទីតាំងសំខាន់ៗ និងលេខទំនាក់ទំនងទៅក្រសួងសមត្ថកិច្ចរដ្ឋចាំបាច់ទុក ​ជាមួយនឹងផែនទី ​ដើម្បីជាប្រយោជន៍នៅក្នុងការភៀសខ្លួនក្នុងពេលមានអាសន្នណាមួយត្រូវចេញពីទីលំនៅដែលយើងរស់នៅ

-ដាក់ម៉ូគ្នា ​ឬពិភាក្សាគ្នាឱ្យហើយនូវគម្រោងទីតាំងជាក់លាក់ណាមួយ ដើម្បីណាត់ជួបគ្នា ក្នុងករណីវង្វេងផ្លូវគ្នា ​ឬត្រូវដើរបំបែកគ្នា។

-ត្រូវមានលុយ ​ឬសាច់ប្រាក់ជាប់នឹងខ្លួនគ្រប់គ្រាន់ល្មមដើម្បីចាយវាយពេលមានអាសន្ន

-ប្រសិនជាអ្នកស្ថិតនៅក្នុងការបោះជំរុំ ​ឬនៅខាងក្រៅផ្ទះកន្លែងបណ្តោះអាសន្នណាមួយដែលត្រូវប្រើហ្គាស​​ ​ធ្យូង ​ឬអុស ​សូមប្រើប្រាស់វានៅខាងក្រៅឱ្យឆ្ងាយពីកន្លែងស្នាក់បន្តិច  ដើម្បីចៀសវាងមានគ្រោះថ្នាក់ដោយសារតែផ្សែងពុល៕

រក្សាសិទ្ធ៖ ​Knongsrok