ពិធីបុណ្យចូលឆ្នាំខ្មែរប្រកាសផ្អាកជាផ្លូវការ ​ឯមន្ត្រីរាជការធ្វើការធម្មតាដោយធ្វើការទូទាត់សំណងថ្ងៃសម្រាកនៅពេលក្រោយ ដើម្បីទប់ស្កាត់ការជួបជុំគ្នាការពារពីវីរុស ​Covid-19 ​ (មានវីដេអូ)

ជាការពិតណាស់អនុសាសន៍ជាច្រើនរបស់សម្តេចត្រូវបានប្រកាសជាបន្តបន្ទាប់នៅក្នុងវិមានសន្តិភាពពីបច្ចុប្បភាពនៃវីរុស  Covid-19  មានទាំងការដាស់តឿនឱ្យប្រជាជនមានការការពារខ្លួន ថែមទាំងកុំឱ្យសប្បាយភ្លេចខ្លួនផងដែរ។

Photo_2020 04 07_09 25 24

នៅក្នុងនោះអនុសាសន៍ដ៏សំខាន់មួយនៃការទប់ស្កាត់វីរុស ​Covid-19  សម្តេចបានប្រកាសជាសារធារណៈថាពិធីបុណ្យចូលឆ្នាំខ្មែរនឹងផ្អាកជាផ្លូវការ មិនឱ្យមានរៀបចំកម្មវិធីកម្សាន្ត និងការជួបជុំណាមួយឡើយ ​ហើយសូម្បីតែមន្ត្រីរាជការទាំងអស់នឹងប្រកាសឱ្យធ្វើការជាធម្មតា  រួចនឹងទូទាត់សំណងនៃការឈប់សម្រាកនឹងសងនាពេលក្រោយក្នុងពេលសមស្រប។

ការប្រកាសមិនឱ្យមានការរៀបចំពិធីបុណ្យចូលឆ្នាំខ្មែរ និងការធ្វើការធម្មតានេះ ​សម្តេចមានប្រសាសន៍ថាវាជាការការពារ និងទប់ស្កាត់ការត្រលប់ទៅលេងស្រុកកំណើត ការជួបជុំផឹកស៊ីក្នុងពេលសម្រាកដែលមិនអាចទប់ស្កាត់បាន។

20160415_ANGKOR_SANGRANTA_PARATE 4807


សូមបញ្ជាក់ផងដែរថា ​ការប្រកាសផ្អាកពិធីបុណ្យចូលឆ្នាំខ្មែរមិនមែនមានន័យថា  នឹងមានការបិទវត្តអារាម ​ឬទីសាសនាមួយឡើយ ​ដោយព្រះសង្ឃនៅតែអាចបន្តសូត្រធម៌ ជាធម្មតានៅកុដិ និងវត្តអារាមជាធម្មតា  ឯប្រជាជនខ្មែរអាចរៀបចំសែនព្រេននៅក្នុងផ្ទះរៀងៗខ្លួន ​គ្រាន់តែមិនឱ្យមានការជួបជុំអ៊ូអរតែប៉ុណ្ណោះ ៕

សូមទស្សនាវីដេអូខាងក្រោមនេះ ៖

29 4

Deaf0e6a 6053 4b08 9e57 3cb4ba22f524