ផលិតកម្ម Galaxy Navatra​ ទទួល​បាន​សិទ្ធិ​គ្រប់គ្រង​បទចម្រៀងមរតកដើមរបស់កវីនិពន្ធឆ្នើម​ គង្គ ប៊ុនឈឿន ដើម្បីរក្សា និងផលិតឡើងវិញដោយរក្សាទំរង់ដើមមាន​រយៈពេល​១០ឆ្នាំ

​ថ្មីៗនេះផលិតកម្ម Galaxy Navatra​ បាន​ចេញ​សេចក្ដី​ជូន​ដំណឹង​ទៅកាន់​សាធារណៈជន​ឱ្យ​បានជ្រាបអំពី​ការ​ទទួល​បាន​សិទ្ធិ​គ្រប់គ្រង​បទចម្រៀងមរតកដើមរបស់កវីនិពន្ធឆ្នើមលោក​ គង្គ ប៊ុនឈឿន ដើម្បីរក្សា និងផលិតឡើងវិញដោយរក្សាទំរង់ដើមមាន​រយៈពេល​១០ឆ្នាំ​ ឯណោះដើម្បីទាញផលប្រយោជន៍ជូនអ្នកនិពន្ធបន្ថែមទៀត។

8

ដោយតាមរយៈគណនីហ្វេសប៊ុកផេកជាផ្លូវការរបស់ ផលិតកម្ម Galaxy Navatra បានរៀបរាប់ថា៖ « ដើម្បីចូលរួមថែរក្សា និងលើកម្ពស់ស្នាដៃមរតកដើម ព្រមទាំងចូលរួមចំណែកលើកកម្ពស់ជីវភាពអ្នកដែលបានទទួលសិទ្ធិគ្រប់គ្រងមរតកសាសន៍នូវបទចម្រៀងមរតកដើមរបស់កវីនិពន្ធបទចម្រៀងដ៏ឆ្នើមរបស់ប្រទេសយើង ផលិតកម្ម Galaxy Navatra មានកិត្តិយសសូមជម្រាបជូនសាធារណៈជនឲ្យបានជ្រាបថា៖

ផលិតកម្ម Galaxy Navatra បានទិញសិទ្ធិផ្តាច់មុខបទចម្រៀងមរតកដើមរបស់កវីនិពន្ធ គង្គ ប៊ុនឈឿន ដើម្បីរក្សា នឹងផលិតឡើងវិញដោយរក្សាទំរង់ដើម ព្រមទាំងប្រើប្រាស់នៅក្នុង Youtube និងប្រព័ន្ធ Digital ផ្សេងៗដូចជា Calltune តាមទូរសព័្ទដើម្បីស្វែងរកចំណូលបន្ថែមជូនម្ចាស់ស្នាដៃ ដោយមានរយៈពេល១០ឆ្នាំ ដែលបទភាគច្រើនជាសំនៀងរបស់អធិរាជសំឡេងមាស សុិន សុីសាមុត – លោកយាយ រស់សេរីសុទ្ធា នឹងមរតកសំនៀងជាច្រើនរូបទៀត។

អាស្រ័យដូចបានជម្រាបជូនខាងលើសូមបណ្តាផលិតកម្ម និង Channel Youtube ទាំងអស់ដែលបានយកបទមរតកដើមទៅ Upload ឬផលិតឡើងវិញដាក់ Youtube ឬលក់នៅ Apple Store ឬបានយកទៅដាក់ Copyright កន្លងមក សូមប្រញាប់រួសរាន់លុបចេញឲ្យបានមុនថ្ងៃទី១ ខែ ៦ ឆ្នាំ ២០២០ នេះ មុនពេលដែលយើងខ្ញុំប្រើប្រាស់នូវសិទ្ធិតាមនីតិវិធីច្បាប់ ក្នុងការការពារសិទ្ធិ និងប្រយោជន៍ដើម្បីម្ចាស់ស្នាដៃ។ សូមបណ្តាផលិតកម្ម និងម្ចាស់ Channel Youtube ព្រមទាំងសាធារណៈជនទាំងអស់ទទួលនូវការគោរពរាប់អានដ៏ស្មោះអំពីយើងខ្ញុំ»។

1


9

នេះអាចថាជារឿងល្អមួយដែលកម្មសិទ្ធបញ្ញាត្រូវបានគេទិញយកមកថែរក្សា ​ដើម្បីរកផលប្រយោជន៍ជូនម្ចាស់ដើម និងគ្រួសារអ្នកនិពន្ធខ្មែរយើង៕

6

7

5