ចូលរួមរំលែកទុក្ខផង! ព្រឹទ្ធាចារ្យសិល្បៈ ភាពយន្ត របាំ ល្ខោន យីកេ និងជាតួអង្គ «តាជូជក់» ក្នុងរឿងព្រះវេសន្តរ បានទទួលមរណភាពហើយ
ជារឿងមួយដ៏គួរឱ្យរន្ធត់ និងសោកស្តាយមែនទែន ដោយកាលពីថ្ងៃទី ១៩ ខែកក្កដា ឆ្នាំ ២០២០ វិរៈសិល្បៈករជើងចាស់ដែលពោរពេញទៅដោយទេពកោសល្យ ភាពយន្ត របាំ ល្ខោន យីកេ និងស្នាដៃជាច្រើនទៀត គឺលោកតាព្រឹទ្ធាចារ្យ ព្រីង សាឃន ត្រូវបានព័ត៌មានជាផ្លូវការឱ្យដឹងថា លោកបានទទួលមរណភាពហើយ។
លោកតាព្រឹទ្ធាចារ្យ ព្រីង សាឃន ជាព្រឹទ្ធាចារ្យសិល្បៈដែលពោរពេញទៅដោយទេពកោសល្យ ភាពយន្ត របាំ ល្ខោន យីកេ និងស្នាដៃជាច្រើន ពិសេសបងប្អូនប្រជាពលរដ្ឋខ្មែរទូទាំងប្រទេសបានចាំពីទេពកោសល្យសម្តែងរបស់លោកតាយ៉ាងច្បាស់ តាមរយៈតួរអង្គ «តាជូជក់» នៅក្នុងយីកេររឿងព្រះវេសន្តរកំឡុងឆ្នាំ៨០ជាង រួមទាំងស្នាដៃជាច្រើនទៀតដែលលោកតាបានបន្សល់ទុក ក្នុងភាពយន្ត និងបទចម្រៀងជាច្រើនដូចជា រឿង «ភូមិគ្រឹះចម្លែក»MV បទចម្រៀង «យើងជាអ្នកស្រែត្រូវជឿអ្នកស្រែដូចគ្នា» និងស្នាដៃជាច្រើនទៀតរាប់មិនអស់។
មរណៈភាពរបស់លោកតាព្រឹទ្ធាចារ្យ ព្រីង សាឃន គឺជាការបាត់បង់នូវមរតកមនុស្សរស់ ដែលមានទេពកោសល្យមួយរូបរបស់កម្ពុជា។ សូមឱ្យដួងវិញ្ញាណក្ខន្ធរបស់លោកតាបានទៅកាន់សុគតិភពកុំបីឃ្លៀងឃ្លាត៕
ព័ត៌មានថ្មីៗ
