គ្រាន់តែពិនិត្យមើលពណ៌ក្រចក ក៏អាចដឹងពីស្ថានភាពសុខភាពរបស់អ្នកបានដែរ

តើអ្នកដឹងដែររឺទេថាក្រចកអាចបង្ហាញពីតម្រុយសុខភាពទូទៅរបស់អ្នកបាន? ជាការពិតណាស់មនុស្សភាគច្រើនមិនសូវចាប់ជាអារម្មណ៍ជាមួយហ្នឹងរឿងក្រចករបស់ពួកគេនោះទេ។ ប៉ុន្តែក្រចករបស់មនុស្សយើងម្នាក់ៗគឺមានពណ៌ខុសៗគ្នា ហើយវាក៏មិនមែនបណ្តាលមកពីប្រឡាក់អ្វីនោះដែរ ពោលគឺការផ្លាស់ប្តូរសុខភាពនឹងបណ្តាលអោយវាផ្លាស់ពណ៌ដោយខ្លួនឯងទៅតាមស្ថានភាពជម្ងឺ។

ដូច្នេះហើយអ្នកគួរតែព្យាយាមសង្កេតទៅលើពណ៌ក្រចករបស់អ្នកអោយបានញឹកញាប់ដើម្បីតាមដានពីសុខភាព និងរោគសញ្ញាផ្សេងៗ។

ខាងក្រោមនេះគឺជាពណ៌ក្រចកដែលរៀបរាប់ពីសុខភាពរបស់អ្នក!

១.ក្រចកស្លេក

ក្រចកស្លេកខ្លាំងពេលខ្លះអាចជាសញ្ញានៃជំងឺធ្ងន់ធ្ងរមួយចំនួនដូចជា៖

• ជំងឺខ្សោយបេះដូង

• ជំងឺថ្លើម

• កង្វះអាហារូបត្ថម្ភ

• ជំងឺស្លេកស្លាំង

 

Nail

២.ក្រចកពណ៌ស

ប្រសិនបើក្រចកដៃរបស់អ្នកភាគច្រើនមានពណ៌សជាមួយនឹងស្នាមឆ្នូតពណ៌ខ្មៅ នេះអាចបង្ហាញពីបញ្ហាថ្លើមដូចជាជំងឺរលាកថ្លើមជាដើម។

 

Nail

៣.ក្រចកពណ៌លឿង


មូលហេតុមួយក្នុងចំណោមមូលហេតុទូទៅបំផុតនៃក្រចកលឿងគឺវាបណ្តាលមកពីការឆ្លងមេរោគផ្សិត។ នៅពេលដែលការឆ្លងនេះកាន់តែអាក្រក់នោះវានឹងធ្វើអោយ សាច់ក្រចករបស់អ្នកឡើងក្រាស់និងរលួយបាន។ វាជាករណីដ៏កម្រណាស់ ហើយក្រចកពណ៌លឿងនេះអាចបង្ហាញពីស្ថានភាពធ្ងន់ធ្ងរចំពោះសុខភាពេបស់អ្នកដូចជា៖ ជំងឺក្រពេញទីរ៉ូអ៊ីតធ្ងន់ធ្ងរ , ជំងឺសួត, ទឹកនោមផ្អែមឬជំងឺស្បែករបកក្រហមជាដើម។

 

N3

 

៤.ក្រចកពណ៌ទឹកសមុទ្រស្រាល

ក្រចកដែលមានពណ៌សមុទ្រស្រាល អាចមានន័យថារាងកាយរបស់អ្នកមិនបានទទួលនូវអុកស៊ីសែនគ្រប់គ្រាន់។ ហើយវាក៏បង្ហាញពីមុខសញ្ញា ដូចជាជំងឺសួតនិងបញ្ហាមួយចំនួនដែលទាក់ទងហ្នឹងបេះដូង។

 

N4

 

៥.ឈ្នូតខ្មៅនៅក្រោមក្រចក

ប្រសិនបើអ្នកមានក្រចកបែបនេះសូមមេត្តារួសរាន់ដើម្បីទៅពិនិត្យសុខភាពឱ្យបានឆាប់ ព្រោះជួនកាលពួកវាបណ្តាលមកពីប្រភេទគ្រោះថ្នាក់បំផុតនៃជំងឺមហារីកស្បែក។

 

N6

 

ប្រភព: បរទេស