សូមប្រយ័ត្ន ជំងឺគ្រួសថង់ទឹកប្រមាត់ កើតមានលើក្រុមមនុស្សប្រភេទនេះ

• 2021-07-27

ថង់ទឹកប្រមាត់ជាសេរីរាង្គតូចមួយនៅផ្នែកខាងស្តាំខាងលើនៃក្រពះរបស់អ្នក។ ថង់ទឹកប្រមាត់មានផ្ទុកនូវសារធាតុរាវដែលផលិត និងបញ្ចេញដោយថ្លើមហៅថាទឹកប្រមាត់។ ទឹកប្រមាត់វាមានតួនាទីជួយដល់ការរំលាយអាហារ និងបំបែកអាហារដែលមានជាតិខ្លាញ់។

ជំងឺគ្រួសក្នុងថង់ទឹកប្រមាត់អាចកើតមានឡើង ចំពោះក្រុមមនុស្សមួយចំនួនដូចជា៖

• ក្រុមមនុស្សដែលមានអាយុចន្លោះពី ២០ឆ្នាំ ទៅ៦០ឆ្នាំ

• កត្តាហ្សែន៖ ប្រសិនបើក្រុមគ្រួសាររបស់អ្នកធ្លាប់មាននរណាម្នាក់កើតជំងឺគ្រួសថង់ទឹកប្រមាត់ អ្នកនឹងមានហានិភ័យក្នុងការកើតមានជំងឺនេះផងដែរ។

• ស្រ្តីមានហានិភ័យកើតមានជំងឺគ្រួសថង់ទឹកប្រមាត់ច្រើនជាងបុរស

• ការប្រើប្រាស់ថ្នាំមួយចំនួនដោយគ្មានវេជ្ជបញ្ជាត្រឹមត្រូវ

• ការស្រកទម្ងន់លឿនពេក

• អ្នកជំងឺទឹកនោមផ្អែម ជំងឺក្រិនថ្លើម ធាត់ខ្លាំងពេក និងជំងឺមួយចំនួនទៀត។

រោគសញ្ញាជំងឺគ្រួសថង់ទឹកប្រមាត់ ដែលអ្នកគួរកត់សម្គាល់

• ចុកនៅផ្នែកខាងស្តាំខាងលើនៃពោះ និងនៅខាងក្រោមទ្រុងឆ្អឹងជំនី

• ចុកពោះខ្លាំងរយៈពេលយូរប្រហែល១ម៉ោង ឬឈឺច្រើនម៉ោងមិនបាត់

• ឈឺ ចុកដូចជាគេយកកាំបិតចាក់ ហើយឈឺរាលដល់ខ្នង ឬស្មាផ្នែកខាងស្តាំ

• ចង្អោរ ឬក្អួត

• ក្នុងករណីអ្នកមានជំងឺនេះយូរមកហើយរហូតដល់ដំណាក់កាលធ្ងន់វានឹងធ្វើឲ្យមានរោគសញ្ញាធ្ងន់ធ្ងរជាងនេះ

វិធីការពារជំងឺគ្រូសថង់ទឹកប្រមាត់

• ញុំាអាហារដែលមានសុខភាពល្អដូចជាបន្លែ ផ្លែឈើ សាច់ត្រី គ្រាប់ធញ្ញជាតិ ប្រេងអូលីវ ស៊ុត ស្រាក្រហម និងទឹកដោះគោ

• ធ្វើលំហាត់ប្រាណ

• ជៀសវាងការសម្រកទម្ងន់លឿនខ្លាំងពេក

• ញុំាអាហារដែលសម្បូរទៅដោយជាតិកាកសសៃខ្ពស់

• រក្សាទម្ងន់ស្តង់ដារ

ប្រភព៖បរទេស