មូលហេតុសំខាន់ៗដែលបណ្តាលអោយមានការដេកមមើរ

• 2021-11-23

ការដេកមមើរគឺជាបញ្ហាមួយដែលមនុស្សជាច្រើនជួបប្រទះ ពោលគឺកើតឡើងចំពោះមនុស្សគ្រប់វ័យតែម្តង។ ហើយអ្វីដែលគួរអោយកត់សម្គាល់ នៅពេលដែលក្រោកពីដំណេក ពួកគេគឺមិនចងចាំថាមានរឿងអ្វីកើតឡើងនោះទេ។ រីឯការដេកមមើរគឺអាចបណ្តាលមកពីមូលហេតុសំខាន់ៗជាច្រើនដូចជា៖

•តំណពូជ

•គេងមិនបានគ្រប់គ្រាន់

•មានជម្ងឺទាក់ទងនឹងដំណេក

•ក្តៅខ្លួន ឬ គ្រុន

•ការប្រើប្រាស់ថ្នាំងងុយគេង

•ស្រ្តេស ថប់បារម្មណ៍

•ញុំាឆ្អែតពេកមុនគេង

•ឈឺក្បាល ឬ មានការប៉ះទង្គិចទៅលើក្បាលជាដើម។

ហើយអ្នកអាចដឹងថាសមាជិកគ្រួសារកំពុងជួបប្រទះនឹងបញ្ហាគេងមមើរនេះបានដោយកត់សម្គាល់ទៅលើរោគសញ្ញាផ្សេងៗដូចជា៖

•អង្គុយនៅលើគ្រែ និង ធ្វើសកម្មភាពដដែលៗដូចជាញីភ្នែក

•បើកភ្នែកប៉ុន្តែគ្មានស្មារតីនឹងនរ

•ធ្វើកាយវិការចម្លែកៗ

•ដាស់មិនងើប

•និយាយម្នាក់ឯងពេលគេង

•បន្ទោរបង់ផ្តេសផ្តាសទាំងមិនដឹងខ្លួន។

ហើយប្រសិនបើខ្លួនអ្នកផ្ទាល់ ឬ សមាជិកគ្រួសារកំពុងតែជួបប្រទះនឹងបញ្ហាមួយនេះ អ្នកគប្បីប្រឹក្សាជាមួយគ្រូពេទ្យជំនាញដើម្បីជៀសវាងគ្រោះថ្នាក់ដែលអាចកើតឡើងជាយថាហេតុ៕

ប្រភព៖ បរទេស