Ads
សួរថា ខ្លាចខ្មាសអ្នកណា ជួយការងារប្រពន្ធយើងសោះ ការងារក្នុងផ្ទះយើងសោះហ្នឹង

សួរថា ខ្លាចខ្មាសអ្នកណា ជួយការងារប្រពន្ធយើងសោះ ការងារក្នុងផ្ទះយើងសោះហ្នឹង

មានមនុស្សមួយចំនួនគិតថា ការងារក្នុងផ្ទះជាការងារមនុស្សស្រី ចំណែកការងារក្រៅផ្ទះ ទើបជាការងាររបស់មនុស្សប្រុស។ ជាប្ដី ជាមេគ្រួសារ មានតួនាទីរកលុយយកមកផ្គត់ផ្គង់ក្នុងគ្រួសារ ចំណែកការងារក្នុងផ្ទះ ដាំបាយ ធ្វើម្ហូប រៀបចំផ្ទះ មើលថែទាំកូនចៅ ជាការងារប្រពន្ធ ដែលជាស្ត្រីមេផ្ទះ។

ក៏មានមនុស្សមួយចំនួនទៀតគិតថា មនុស្សប្រុសធ្វើការងារស្រីអន់ណាស់ មិនសមជាប្រុស ក៏មានប្ដីខ្លះ គិតថា មិនធ្វើទេការងារផ្ទះ ខ្លាចខ្មាសគេ ខ្លាចមិត្តភក្តិបនភឿនសើចចំអក ខ្លួនជាប្រុស សមធ្វើការងារស្រី ...។

1

ប៉ុន្តែការពិត គ្រប់ការងារទាំងអស់ គឺមិនដែលប្រកាន់ភេទ ឬតួនាទីជាប្ដី ឬប្រពន្ធឡើយ គឺមានតែមនុស្សទេដែលប្រកាន់ការងារ មនុស្សយើងទេដែលគិតតែខ្លួនឯង ខ្លាចខ្មាសគេចេះ ខ្មាសគេចុះ មិនសមចេះ មិនសមចុះ។

មិនថាមនុស្សប្រុស ឬស្រី ប្ដី ឬប្រពន្ធទេ គឺអាចធ្វើបានដូចគ្នាទាំងអស់។ មនុស្សប្រុស ឬប្ដី គប្បីចេះជួយកិច្ចការងារក្នុងផ្ទះ ជួយមើលថែទាំកូនចៅ ចំណែកមនុស្សស្រី នាងក៏អាចធ្វើការខាងក្រៅ អាចរកលុយបានដូចគ្នាដែរ។

2

សម័យនេះហើយ គ្មានអ្នកណាគេប្រកាន់ការងារនោះទេ អ្វីក៏អាចធ្វើបានដែរ។ ជាប្ដីប្រពន្ធ ត្រូវចេះជួយសម្រាលការងារគ្នា មិនមែនចាំតែតាមតួនាទី ប្រកាន់ការងារ ចាំតែបន្ទោស មើលកំហុសនោះឡើយ។


- ជួយការងារប្ដីយើង ប្រពន្ធយើងទេ គ្មានអ្វីត្រូវខ្មាសគេឡើយ។

- ធ្វើការងារ សម្អាត រៀបចំក្នុងផ្ទះយើងទេតើ ចាំបាច់អីត្រូវខ្លាចអ្នកណាមកសើចចំអក។

ប្ដីប្រពន្ធល្អ ត្រូវចេះជួយគ្នាទៅវិញទៅមក កុំខ្វល់ពីសម្ដីសើចចំអករបស់អ្នកខាងក្រៅ នៅក្នុងផ្ទះរបស់យើង ប្ដីប្រពន្ធរបស់យើង កុំទៅស្ដាប់ កុំទោខ្វល់ពីសម្ដីរបស់អ្នកណា ត្រុវចាំថា បើយើងមិនជួយប្ដីយើងប្រពន្ធយើង គ្មានអ្នកណាមកជួយគ្រួសារយើងទេ គេនោះបានតែនិយាយ ពេបជ្រាយ សើចចំអកតែប៉ុណ្ណឹង៕

3

4

5

អត្ថបទ ៖ ភី អេច

ក្នុងស្រុករក្សាសិទ្ធ