សម្រាប់អ្នកចូលចិត្ត ប៉ុន្តែមិនចេះធ្វើគីមឈី! តោះមកសាកល្បងរូបមន្តធ្វើគីមឈីងាយៗនេះទាំងអស់គ្នា!

គីមឈីគឺជាម្ហូបកូរ៉េដែលមានរសជាតិឆ្ងាញ់និងពេញនិយមបំផុតសម្រាប់ញុំាជាមួយបាយឬផ្ទាប់ជាមួយសាច់អាំងជាដើម។ ចំណែកឯវិធីធ្វើវិញគឺងាយៗបំផុត ដែលអ្នកអាចសាកធ្វើទុកញុំានៅផ្ទះជាមួយគ្រួសារបានដោយមិនចាំបាច់ទិញពីគេនោះឡើយ។

A1

#គ្រឿងផ្សំ៖

"

-ស្ពៃបូកគោ ១ក្តោប

-អំបិល ២ស្លាបព្រាបាយ

-ម្សៅអង្ករ ១ស្លាបព្រាបាយ

-ម្ទេសម៉ត់កូរ៉េ កន្លះពែង

-ទឹកត្រី ៤ស្លាបព្រាបាយ

-ស្ករស ២ស្លាបព្រាបាយ

-ខ្ទឹមក្រហមចិញ្ច្រាំ ៣មើម

-ខ្ទឹមបារាំងចិញ្ច្រាំ កន្លះមើម

-ខ្ទឹមសចិញ្ច្រាំ ៣កំពឹស

-ខ្ញីចិញ្ច្រាំកន្លះស្លាបព្រាបាយ

-ទឹក ២លីត្រ

# វិធីធ្វើ៖

១. លាយទឹកនិងអំបិលចូលគ្នា រួចទុកដោយឡែក


A2

២. លាងស្ពៃបូកគោនិងហាន់ជាចំណិតៗ

A3

៣. ត្រាំស្ពៃបូកគោក្នុងទឹកអំបិលរយៈពេលបីទៅប្រាំមួយម៉ោងឬរហូតស្ពៃបូកគោទន់

A4

៤. នៅក្នុងខ្ទះ លាយទឹកជាមួយនឹងម្ស៉ៅអង្កររួចកូរឲ្យឡើងខាប់ (បើកភ្លើងតិចៗ)

A5

៥. លាយល្បាយម៉្សៅអង្ករនោះជាមួយនឹងម្ទេសម៉ត់ ទឹកត្រីនិងស្ករសរួចទុកឲ្យត្រជាក់បន្ទាប់ពីត្រជាក់ហើយ ចាក់ខ្ទឹមក្រហមចិញ្ច្រាំ ខ្ទឹមបារាំងចិញ្ច្រាំ ខ្ទឹមសចិញ្ច្រាំ និងខ្ញីចិញ្ច្រាំចូលរួចលាយឲ្យសព្វ។

A6

៦. លាងស្ពៃបូកគោពីរទៅបីទឹកឲ្យអស់ជាតិអំបិល

A7

៧. ច្របល់ស្ពៃសនិងគ្រឿងដែលបានលាយហើយស្រាប់ចូលគ្នា រួចទុកក្នុងក្រឡរយៈពេលពីរឬបីថ្ងៃ តាមចំណូលចិត្ត។

A8

* ម្យ៉ាងទៀតប្រសិនបើអ្នកចង់បន្ថែមបន្លែ អ្នកក៏អាចថែមការ៉ុតនិងឆៃថាវដែលហាន់ជាចំណិតតូចៗបានដែរ ដើម្បីធ្វើអោយយគីមឈីកាន់តែមានរសជាតិឆ្ងាញ់ពិសារ៕

 

ប្រភព ៖ បរទេស