ជឿអត់! គ្រាន់តែជ្រើសរើសរសជាតិការ៉េមទាំង ៥នេះ អាចបង្ហាញពីអត្តចរិកពិតរបស់អ្នកបាន

ការ៉េមគឺជាអាហារសម្រន់ម្យ៉ាង ដែលមនុស្សទូទៅចូលចិត្តញុំាជាទីបំផុត ដោយសារតែវាមានរសជាតិផ្អែមឆ្ងាញ់ និងត្រជាក់ ហើយជាពិសេសនោះ គឺសាកសមនៅក្នុងរដូវក្តៅណាស់។ គួរអោយដឹងដែរថា ការ៉េមគឺមានច្រើនរសជាតិផងដែរ ដោយតម្រូវទៅតាមការចូលចិត្តរបស់មនុស្សគ្រប់គ្នា។ ប៉ុន្តែតាមការសិក្សាមួយបានបង្ហាញថា រសជាតិការ៉េមដែលអ្នកចូលចិត្ត គឺអាចបង្ហាញពីអត្តចរិកពិតរបស់អ្នកបានផងដែរ។

តោះបើចង់ដឹងច្បាស់មកជ្រើសរើសការ៉េមដែលអ្នកចូលចិត្តទាំងអស់គ្នា!

A1

"

១. រសជាតិសូកូឡា ( Chocolate )

អ្នកដែលចូលចិត្តរសជាតិសូកូឡា គឺជាមនុស្សដែលមានមន្តស្នេហ៍ និងជាមនុស្សសប្បាយរីករាយ។ ពួកគេតែងតែសប្បាយចិត្តជាមួយនឹងជីវភាពដែលពួកគេរស់នៅសព្វថ្ងៃ ហើយជាពិសេសបុគ្គលទាំងនេះក៏មានមនោសញ្ចោតនាយ៉ាងខ្លាំង និងជាមនុស្សពូកែញ៉ែផងដែរ។

A2

២. រសជាតិស្ត្រប៊ឺរី ( Strawberry )

អ្នកដែលចូលចិត្តរសជាតិស្ត្រប៊ឺរី គឺជាមនុស្សដែលមានហេតុផល។ ម្យ៉ាងទៀតបើទោះបីពួកគេមានភាពអៀនខ្មាស់ច្រើនក៏ដោយ ប៉ុន្តែពួកគេមានទស្សនៈសុទិដ្ឋិនិយមចំពោះជីវិតណាស់។ ជាពិសេសពួកគេគឺជាមនុស្សដែលមានការគិតវែងឆ្ងាយ មិនថាជារឿងតូចតាចប៉ុណ្ណានោះឡើយ។

A3

៣. រសជាតិវ៉ាន់នីឡា ( Vanilla )


អ្នកដែលចូលចិត្តការ៉េមរសជាតិវ៉ាន់នីឡា គឺជាមនុស្សដែលមានការយល់ដឹងខ្ពស់ និងជាបុគ្គលស្មោះត្រង់បំផុត។ ហើយអ្នកកុំចង់បោកមនុស្សប្រភេទនេះអោយសោះ ព្រោះពួកគេមានការគិតពិចារណាយ៉ាងល្អិនល្អន់ខ្លាំងណាស់ មុននឹងពួកគេសម្រេចចិត្តក្នុងរឿងអ្វីមួយ។

A4

៤. រសជាតិកាហ្វេ ( Coffee )

អ្នកដែលចូលចិត្តរសជាតិកាហ្វេ គឺជាមនុស្សដែលមានផែនការក្នុងជីវិត។ ពួកគេជាមនុស្សមានភាពរីករាយ និងចូលចិត្តលេងសើចច្រើន ពីព្រោះពួកគេគិតថាជីវិតមិនគួរមានភាពអាប់អួរនោះទេ។ ម្យ៉ាងទៀត មនុស្សប្រភេទនេះមិនសង្កត់ធ្ងន់លើអនាគតជាជាងផ្តោតលើបច្ចុប្បន្នឡើយ។

A5

៥. រសជាតិ ( Mint )

អ្នកដែលចូលចិត្តរសជាតិនេះ គឺជាមនុស្សដែលមានចិត្តត្រជាក់ និងមិនឆេវឆាវនោះទេ។ ពួកគេច្រើនតែមានទំនុកចិត្តនិងដឹងច្បាស់ពីអ្វីដែលពួកគេចង់បាន ហើយពួកគេមិនចូលចិត្តមានជម្លោះជាមួយនរណាម្នាក់នោះទេ ប៉ុន្តែពួកគេក៏មិនខ្លាចនឹងការឈ្លោះប្រកែកគ្នាដែរ ជាពិសេសនោះ គឺឈ្លោះមិនអោយចាញ់គេឡើយ៕

A6

 

ប្រភព ៖​ បរទេស