គន្លឹះ១០យ៉ាង ដើម្បីយកឈ្នះភាពភ័យខ្លាច ដេីម្បីជោគជ័យក្នុង ការងារ អាជីវកម្ម និង ជីវិត
អ្នកចង់ឱ្យបន្ទាប់ពីភ្ញាក់នៅពេលព្រឹក ធ្វើការងារល្អ ហើយទទួលបានប្រាក់បន្ថែម ការសរសើរ និង ការតំលេីងឋានៈ។ អ្នកចង់បង្កើតអាជីវកម្ម រកអតិថិជន និង បង្កើនប្រាក់ប្រាក់ចំណូល។ អ្នកចង់មាន ភាពឆ្លាតវៃ ក្លាយជាអ្នកមាន និង មានសុភមង្គល មានសុខភាពល្អ និង ជោគជ័យជាងមុន។
ប៉ុន្តែបេីគិតឱ្យជ្រៅទៅ មានរឿងមួយកំពុងរារាំងអ្នក។ វាជាភាពភ័យខ្លាច មែនហេីយភាពភ័យខ្លាចនរណាក៏មានដែរ។ គ្រប់ពេលដែលយើង មានគម្រោងធ្វើអ្វីមួយ ការភ័យខ្លាច ដូចជាបិសាចជញ្ជក់ឈាម ចេញពីឆន្ទៈរបស់យើង ធ្វើឱ្យយើងមិនអាច ធ្វើអ្វីដែលសំខាន់សំរាប់យេីង។ តើធ្វេីដូចម្តេច ដេីម្បីយកឈ្នះភាពភ័យខ្លាច ហើយទទួលបានជោគជ័យ ក្នុងការងារ អាជីវកម្ម និង ជីវិត?
ខាងក្រោមនេះជាគន្លឹះ ១០ យ៉ាងដើម្បីជួយអ្នក យកឈ្នះការភ័យខ្លាច និង ទទួលបានជោគជ័យក្នុងអ្វីដែលអ្នកអ្នកចង់ធ្វេី៖
១. ប្រឈមមុខនឹងការភ័យខ្លាចរបស់អ្នក
ប្រសិនបើអ្នកអនុញ្ញាតឱ្យ ភាពភ័យខ្លាចរបស់អ្នក គ្រប់គ្រងលើបេះដូងរបស់អ្នក នោះអ្នកនឹងមិនអាចក្លាយជាសត្វតោ ដែលអ្នកចង់ក្លាយជា។ ផ្ទុយទៅវិញ អ្នកនឹង រកលេសនេះ លេសនោះ ហើយបន្ទោសអ្នកដទៃ ចំពោះការ អសកម្មរបស់អ្នក ហើយពន្យារពេលលើគោលដៅសំខាន់ៗរបស់អ្នក។
ទាំងនោះសុទ្ធសឹងជាលិទ្ធផល នៃការភ័យខ្លាចរបស់អ្នក ហើយវានឹងមិនអនុញ្ញាតឱ្យ អ្នកទទួលបានជោគជ័យ ក្នុងការងារ អាជីវកម្ម ឬ ជីវិតរបស់អ្នកឡើយ។ មានឱសថតែមួយគត់ សម្រាប់កំចាត់ភាពភ័យខ្លាច គឺ ត្រូវប្រឈមមុខនឹងវា។ ដំបូងសូមទទួលស្គាល់ថាវាស្ថិតនៅក្នុងខ្លួនអ្នក ហើយបន្ទាប់មក អ្នកត្រូវប្រឈមមុខនឹងវា ហេីយ បន្តដេីរទៅមុខជាមួយជីវិតរបស់អ្នក។
មានអារម្មណ៍ភ័យខ្លាច ប៉ុន្តែនៅតែធ្វើវា ទោះយ៉ាងណាក៏ដោយ ~ Susan Jeffers
២. កំចាត់ការពន្យារពេល
ការពិតទៅ ការពន្យារពេល គឺជាប្រភេទនៃការភ័យខ្លាច។ អ្នកមិនចង់ចាប់ផ្តើមជំនួញនោះទេ ព្រោះអ្នកខ្លាចថាវា អាចនឹងបរាជ័យ។ អ្នកមិនចង់ បន្តគម្រោងនោះទេ ព្រោះអ្នកត្រូវបានគេបំភិតបំភ័យ ថាវាលំបាកណាស់។ អ្នកបានពន្យារពេល រត់ម៉ារ៉ាតុងនោះម្តងហើយម្តងទៀត ពីព្រោះវានឹងធ្វេីឱ្យ អ្នកអស់កម្លាំងខ្លាំង។
ប៉ុន្តែអ្នកត្រូវតែធ្វើសកម្មភាពឥឡូវនេះ ឬ ក៏សោកស្តាយវានៅពេលក្រោយ។ ប្រសិនបើអ្នកបរាជ័យក្នុងការ ធ្វើអ្វីដែលអ្នកត្រូវធ្វើ ឱ្យទាន់ពេលវេលា ឬ គ្មានកាលកំណត់ពេលវេលា នោះអាចធ្វើឱ្យអ្នក បាត់បងអាជីព អតិថិជន ឬ បុគ្គលិកលក្ខណៈរបស់អ្នក។ ដូច្នេះសូមឈប់ពន្យារពេល ប្រសិនបើអ្នកពិតជាចង់ ជោគជ័យក្នុងជីវិត។
៣. ស្វែងរកចំណង់ចំណូលចិត្តរបស់អ្នក
យើងទាំងអស់គ្នា មានទេពកោសល្យឯក ដែលលាក់ខ្លួននៅខាងក្នុងខ្លួនយើង ប៉ុន្តែបើយើងមិនជីកកកាយ ទៅក្នុងចិត្តរបស់យើង និងបង្ហាញទេពកោសល្យនោះ ទេពកោសល្យ និង ចំណង់ចំណូលចិត្តទាំងនោះ នឹងក្លាយជាកាកសំណល់។ លោក Steve Jobs, Musks និង Zuckerbergs បានជោគជ័យសព្វថ្ងៃនេះ គឺដោយសារតែពួកគេ បានរកឃើញនូវចំណង់ចំណូលចិត្ត របស់ពួកគេហើយបានប្តូរវា ទៅជាផលិតផលដ៏មានឥទ្ធិពល ហេីយអាចចំនេញបាន។
អ្នកមានទេពកោសល្យពីធម្មជាតិ ប៉ុន្តែវាអាស្រ័យលើអ្នក ដើម្បីរកវា ហើយបង្កើនប្រសិទ្ធភាពវា ហើយយកវាមកប្រេីប្រាស់។ កុំភ័យខ្លាច។ អ្នកត្រូវជីកកកាយ។ ខ្ញុំសន្យានឹងអ្នកថា វាពិតជានៅក្នុងខ្លួនអ្នក។ នៅពេលដែលអ្នករកវាឃេីញ វាគ្មានដែនកំណត់ទៀតទេ ចំពោះអ្វីដែលអ្នកអាចនឹងសម្រេចបាន ក្នុងអាជីព អាជីវកម្ម និងជីវិតរបស់អ្នក។
ចូលធ្វើតាមចំណង់ចំណូលចិត្តផ្ទាល់ខ្លួនរបស់អ្នក មិនមែនតាមឪពុកម្តាយរបស់អ្នកទេ ហេីយក៏មិនមែនតាមគ្រូរបស់អ្នកដែរ។ ~ Robert Ballard
៤. ក្រោកពីព្រលឹម
លោក Richard Branson ភ្ញាក់ម៉ោង ៥:៤៥ ព្រឹក លោក Tim Cook ភ្ញាក់ម៉ោង ៣:៤៥ ព្រឹក ហើយលោក Howard Schultz ភ្ញាក់ម៉ោង ៤:៣០ ព្រឹក។ ហេតុអ្វីសហគ្រិនជោគជ័យទាំងអស់នេះ ចាប់ផ្ដើមថ្ងៃថ្មីរបស់គេលឿនដូច្នេះ? ដោយសារតែពួកគេចង់ ទៅទីនោះមុនគេ ហើយយកឈ្នះអ្នកមកយឺត។
រៀនពីគំនិតដ៏អស្ចារ្យទាំងនេះ។ បង្ហាយមុខមុនគេ មុនមិត្តរួមការងារ មុនដៃគូប្រកួតប្រជែង និង មុនអ្នករួមការងារ។ ការធ្វើបែបនេះ នឹងធ្វើឱ្យអ្នក ឈានមុខគេជានិច្ច។ ហើយការធ្វេីអ្វីៗមុនគេ គឺជាសញ្ញាវិជ្ជមាននៃភាពជោគជ័យ។
៥. សំលៀង
អ្នកប្រហែលជាគិតថាជោគជ័យ គឺជាផលិតផលថោក។ មានគំនិតមួយ ធ្វេីវា ហើយអ្នកទទួលជោគជ័យ។ វាមិនមែនដូច្នេះទេ។
ផ្លូវទៅរកភាពជោគជ័យ គឺត្រូវបានបំពាក់ ដោយស្នាមឆ្នូតជាច្រើនរាប់មិនអស់ ឧបសគ្គ និង ទំងន់ការងារជាច្រើន។ សហគ្រិនដែលជោគជ័យ, អត្តពលិក, អ្នកអភិវឌ្ឍន៍អចលនទ្រព្យ, ពួកគេទាំងអស់សុទ្ធតែធ្វើការយ៉ាងលំបាក។ ពួកគេធ្វើការជារៀងរាល់ថ្ងៃ។ ពួកគេជំរុញ និង សំលៀង ខ្លួនឯងច្រេីនណាស់ មុនពួកគេទទួលជោគជ័យ។
អ្នកចង់ឈានដល់កម្រិតកំពូល នៃអាជីពរបស់អ្នក? សំលៀង។ អ្នកចង់ក្លាយជាបុគ្គលជោគជ័យបន្ទាប់មែនទេ? សំលៀង។
៦. ធ្វើការងារប្រកបដោយគុណភាព
វាមិនមែនគ្រាន់តែ ធ្វើការងារឱ្យតែបានបាននោះទេ។ វាមិនមែនជាការសម្រេចគម្រោង ឱ្យបានតែច្រើននោះទេ។ វាមិនមែនជាការ បញ្ចប់ការងាររបស់អ្នក ឱ្យលឿនទេ។ វាជាការធ្វើការងារ ដែលមានគុណភាព។ ការងារប្រកបដោយគុណភាព គឺជាអ្វីដែលធ្វេីអ្នកមានកេរ្តិ៍ឈ្មោះ បង្កើនល្បឿនអាជីពរបស់អ្នក និង លើកកំពស់អ្នកខ្ពស់ជាងអ្នកដទៃ។
៧. ផ្តល់ឱ្យអ្នកផ្សេងនូវអ្វីដែលពួកគេចង់បាន
វាគ្មានបញ្ហាទេ ប្រសិនបើអ្នកគ្មាន នរណាម្នាក់នៅក្នុងឧស្សាហកម្មរបស់អ្នក ឬ គ្រាន់តែជាការចាប់ផ្តើមថ្មី ប្រសិនបើអ្នកផ្តល់ឱ្យនូវអ្វីដែលពួកគេចង់បាន ដូចជាផលិតផលដែលមានគុណភាព ឬ សេវាដ៏ល្អ ឬ គ្រាន់តែទាក់ទងនឹងពួកគេ តាមរបៀបស៊ីវិល័យ នោះពួកគេនឹងឆ្លើយតបមកវិញ។
ពួកគេនឹងចូលចិត្តអ្នក ពួកគេនឹងទិញពីអ្នក ហើយពួកគេនឹងក្លាយជាតំណាងលក់របស់អ្នក ប្រាប់មិត្តភក្តិ និង ក្រុមគ្រួសាររបស់ពួកគេ អំពីអ្នក។ ពួកគេនឹងធ្វើឱ្យអ្នក ក្លាយជាអ្នកមាន ហើយពួកគេនឹងជួយ អ្នកឱ្យផ្លាស់ប្តូរជីវិត និង ផ្លាស់ប្តូរពិភពលោករបស់យើង ឱ្យប្រសើរឡើង។
៨. ស្មោះត្រង់
អ្នកត្រូវតែមានភាពស្មោះត្រង់ ប្រសិនបើអ្នកចង់ក្លាយជាមនុស្សជោគជ័យ។ នេះជាការពិត៖ មនុស្សគឺឆ្លាតជាងអ្នកគិត។
អ្នកអាចគេចផុតពី អាកប្បកិរិយាក្លែងក្លាយរបស់អ្នក ម្តង ឬ ពីរដង ប៉ុន្តែនៅពេលដែលមិត្តរួមការងារ ឬ អតិថិជនរបស់អ្នកដឹងថាអ្នក គឺជាអ្នកក្លែងបន្លំ អ្នកនឹងត្រូវបានបញ្ចប់។ ពួកគេនឹងបោះអ្នក ទៅកន្លែងចាក់សំរាម ដែលនៅជិតបំផុត ហើយពួកគេនឹងមិន ស្តារអ្នកត្រឡប់មកវិញ ក្នុងជីវិតរបស់ពួកគេម្តងទៀតទេ។
ត្រូវតែស្មោះត្រង់ ត្រូវតែស្អាត ត្រូវតែជាផ្កា មិនមែនជាស្មៅទេ។ ~ Aaron Neville
៩. មានទំនុកចិត្ត
ទីមួយ វាជាឱសថប្រឆាំងនឹងការភ័យខ្លាច។ វាជាផ្នែកមួយ នៃអ្វីដែលអ្នកត្រូវធ្វើ ដើម្បីយកឈ្នះការភ័យខ្លាច ឬ ការពន្យារពេល គឺត្រូវអភិវឌ្ឍទំនុកចិត្តលើខ្លួនឯង។ ចូលជឿលើខ្លួនឯង ប្រឈមនឹងការភ័យខ្លាចរបស់អ្នក ហើយធ្វើកិច្ចការណាដែលសំខាន់។
ទីពីរ វាជាគន្លឹះដើម្បីទទួលបានជោគជ័យ។ វាជាផ្នែកមួយ នៃអ្វីដែលអ្នកត្រូវធ្វើ ដើម្បីរស់ និង លូតលាស់នៅក្នុងការងារ អាជីវកម្ម និងជីវិតរបស់អ្នក គឺត្រូវអភិវឌ្ឍទំនុកចិត្ត។ វាជម្រះការសង្ស័យរបស់អ្នក ហើយជំរុញអ្នកឱ្យទៅ ធ្វើកិច្ចការដែលអ្នកគេ និយាយថា អ្នកមិនអាចធ្វើបាន។
១០. រក្សាភាពវិជ្ជមាន
មនុស្សសាមញ្ញ ជាមនុស្សអវិជ្ជមាន។ ពួកគេតែងតែនិយាយដើមគេ និង ព្យាយាមមើលអវិជ្ជមាន របស់អ្នកដទៃ។ នេះ គឺអាក្រក់ណាស់ និង គ្រោះថ្នាក់បំផុត។
ហេតុអ្វី? ពីព្រោះសកម្មភាពរបស់យើង គឺជាការឆ្លុះបញ្ចាំងពិត នៃគំនិតរបស់យើង។ នេះមានន័យថា ផ្នត់គំនិតអវិជ្ជមានតែងតែ បង្កើតលទ្ធផលអវិជ្ជមាន ខណៈដែលផ្នត់គំនិតវិជ្ជមាន តែងបង្កើតលទ្ធផលវិជ្ជមាន។
ប្រភព៖ addicted2success
ព័ត៌មានថ្មីៗ
