ផ្អើលពេញបណ្តាញសង្គមឥណ្ឌា! បុរសម្នាក់នេះឬ ជាអ្នកញាត់ផាវចូលក្នុងផ្លែម្នាស់ ឱ្យដំរីផើមសុីដល់ ងាប់
ផ្ទុះការភ្ញាក់ផ្អើលពេញបណ្តាញសង្គម រហូតរាលដាលពាសពេញពិភពលោក ដោយកាលពីថ្ងៃទី ២៧ ខែឧសភា ឆ្នាំ២០២០កន្លងទៅនេះ គេបានប្រទះឃើញដំរីញីមួយក្បាល ដែលផើមបានងាប់ទាំងនៅឈរ ដោយសារតែអ្នកភូមិក្នុងរដ្ឋ Kerala ប្រទេសឥណ្ឌា បានយកផ្លែម្នាស់ ដោយមានញាត់ផាវដាក់ឱ្យវាស៊ីរហូតដលស្លាប់ទាំងឈរ។
ករណីនេះធ្វើឱ្យមានការផ្កោលទោសជាខ្លាំង ជាពិសេសអង្គការអភិរក្សសត្វព្រៃ តែយ៉ាងណាមិញកាលពីប៉ុន្មានម៉ោងមុននេះ នៅលើបណ្តាញសង្គមឥណ្ឌាមានគណនីមួយបានបង្ហើបឱ្យដឹងថា បុរសម្នាក់មានឈ្មោះ Madhu មានអាយុ២៧ឆ្នាំ គឺជាអ្នកដែលជាអ្នកញាត់ផាវចូលក្នុងផ្លែម្នាស់បោះឱ្យដំរីកំពុងតែផើមមានកូនសុីរហូតដល់ស្លាប់។
ក្រោយការបង្ហោះបែបនេះមានអ្នកលេងបណ្តាញសង្គមជាច្រើនមានការប្រតិកម្មជាខ្លាំងរហូតស្នើឱ្យមានការផ្តន្ទាទោស តែមានអ្នកខ្លះក៏បានអះអាងថាបុរសនេះមិនមែនជាអ្នកប្រព្រឹត្តិឡើយ។
យ៉ាងណាក្តីមកទល់ពេលនេះ អាជ្ញាធរនៅក្នុងតំបន់នេះ មិនទាន់រកឃើញអ្នកប្រព្រឹត្តពិតប្រាកដឡើយ ដោយពេលនេះប៉ូលិសកំពុងតែបើកការស៊ើបអង្កេតដើម្បីចាប់ជនបង្កយកមកដាក់ទោសតាមច្បាប់ឱ្យទាល់តែបាន៕
ព័ត៌មានថ្មីៗ
