អាយដលតូច! ​គួរឱ្យស្រលាញ់ហើយរួសរាយខ្លាំង ​ជីវិតតស៊ូប្រឹងដើរលក់ម្ជូរយប់ៗរហូតអាចសង់ផ្ទះជូនម្តាយនៅស្រុកបានសម្រេច

ប្រសិនជាអ្នកជាមនុស្សដែលចូលចិត្តទទួលទានអាហារនៅភោជនីយដ្ឋាន ​នៅខាងក្រៅពេលយប់ៗ​ អ្នកប្រាកដជាបានដឹងហើយថា  មានក្មេងៗតូចៗ និងវ័យជំទង់ជាច្រើនបានរើសយករបរលក់ផ្លែឈើ និងម្ជូរតាមហាងនានាដើម្បីចិញ្ចឹមជិវិត។

មិនខុសពីក្មេងដទៃ ​ក្មេងប្រុសដែលយើងមិនដែលស្គាល់ឈ្មោះមួយរូប  ដែលចំណាំថាដើរលក់ម្ជូរគ្រប់ទិសទី  តែកន្លែងលក់ប្រចាំគឺ ​Color Cup  Cambodia  ត្រូវបានគេដឹងថា ​គឺជាក្មេងដែលតស៊ូខ្លាំងនៅក្នុងជីវិត មិនត្រឹមតែដើម្បីជីវិត  តែគឺដើម្បីម្តាយខ្លួននៅឯស្រុកទៀតផង។

106455059_2689089718083921_6326650978694950472_o

106508359_2689089744750585_6305857356981729455_o

ក្មេងមួយរូបនេះ ​មានភាពរួសរាយ ​មានភាពកំប្លុកកំប្លែងខ្លាំងពេលហៅឱ្យភ្ញៀវជួយទិញម្ជូរខ្លួន ដែលជាហេតុធ្វើឱ្យក្មេងម្នាក់នេះ លក់ម្ជូរដាច់ជាងគេ  ព្រោះតែក្តីអាណិតស្រលាញ់ពីភ្ញៀវដែលទទួលទានអាហារ  ហើយការលក់ដាច់ និងតស៊ូដាច់យប់លក់ម្ចូរនេះ ​បានធ្វើឱ្យក្មេងប្រុសម្នាក់នេះមានជីវភាពល្អប្រសើរ  ថែមទាំងមានលទ្ធភាពសង់ផ្ទះជូនម្តាយឯស្រុកទៀតគួរឱ្យសរសើរមែនទែន។

តាមរយៈគណនីហ្វេសប៊ុក Loem Soun បានរៀបរាប់ពីប្រវត្តិ ​ក្មេងប្រុសមួយរូបនេះថា៖ « ✅អាយុ​ប្រហែល​ 13 ឆ្នាំ​

រក​ប្រាក់​ចំណេញ​ចន្លោះ​ 15ម៉ឺ​ន​រៀល​ទៅ​ 25ម៉ឺ​ន​រៀល​ក្នុង​មួយ​ថ្ងៃ​ សង់​ផ្ទះ​អោយ​ម្តាយ​បាន​មួយ​នៅ​ស្រុក​ ជាមនុស្ស​រួសរាយ​ ពូកែ​និយាយ​ណាស់​ លក់​ម្ជូរ​ 1 =3000រៀល​ បេី​យក​ 3=10000រៀល​ 😂😂


✅សំនួរ​សួរ​ថា​ តេី​កាងារ​បែប​នេះ​អ្នក​ចង់​ធ្វើ​ទេ​ ? ចុះ​វ័យ​ប៉ុណ្ណេះ​ហេីយ​សល់​អី​ខ្លះ​ ? តេី​ការ​ងារ​បែប​ណា​ដែល​គិត​ថា​សម្យ​នឹង​ខ្លួន​ឯង​

✅ចូរ​កុំ​វាយ​តម្លៃ​គេ​ បេី​គ្រាន់​តែ​អ្នក​ឃេីញ​គេ​តែសំបក​ក្រៅ​🙏

#អត្តបទ​ជីវិត​ពិត​បែប​អប់រំ​»។

នេះស្តែងឱ្យឃើញថា ​វាសនា  និងជីវភាពបច្ចុប្បន្ន  ពិតជាមិនអាចកំណត់វាសនាអនាគតបានទេ  មិនថាក្មេងចាស់ប្រុសស្រី  ឱ្យតែមានតស៊ូ ​ប្រឹងប្រែងក្នុងជីវិត ​គង់ថ្ងៃណាមួយការព្យាយាមនឹងផ្តល់ផលល្អក្នុងជីវិតជាមិនខាន៕

S 4869

105420447_2689089818083911_6601959433942461281_o

106213020_2689089791417247_3277165195850834887_o