ប្រវតិ្តតស៊ូដ៏ជូរចត់របស់តារាកំប្លែងសាក់ឡូ (ឆាលី ឆាបលីន Charles Spencer Chaplin)
លោក Charles Spencer Chaplin កើតនៅថ្ងៃទី ១៦ ខែមេសា ឆ្នាំ១៨៨៩ ដែលលោកគឺជាតារាកំប្លែងអង់គ្លេសម្នាក់ហើយក៏ជាផលិតករភាពយន្តនិងអ្នកនិពន្ធរឿងកំប្លែងដែលល្បីឈ្មោះបោះសម្លេងនៅក្នុងយុគសម័យមុនផងដែរ ។ ក្រោយមកទៀតគាត់ក៏បានក្លាយជាមនុស្សលេចធ្លោមួយរូបនៅទូទាំងពិភពលោកតាមរយៈការសម្តែងរបស់គាត់ដែលដើរតួជា The Tramp ហើយចាប់តាំងពីពេលនោះមកគាត់ត្រូវបានគេចាត់ទុកថាជាឥស្សរជនសំខាន់បំផុតមួយនៅក្នុងប្រវត្តិសាស្ត្រនៃឧស្សាហកម្មភាពយន្ត។
កាលពីកុមារភាពរបស់គាត់នៅអាយុ៩ឆ្នាំ គាត់បានរស់នៅក្នុងទីក្រុងឡុងជាមួយជីវភាពដ៏យ៉ាប់យឹននិងលំបាកជាទីបំផុត ហើយឪពុកម្តាយរបស់លោកក៏បានលែងលះគ្នាទៀតផង។ នៅពេលដែលគាត់មានអាយុ ១៤ ឆ្នាំម្តាយរបស់គាត់បានកើតជំងឺផ្លូវចិត្តហើយក៏បានទៅសម្រាកព្យាបាលនៅឯមន្ទីរពេទ្យ។ Chaplin បានចាប់ផ្តើមការសម្តែងរបស់គាត់តាំងពីនៅជាក្មេងដើរលេងនៅសាលតន្ត្រី រហូតក្រោយមកទៀតបានធ្វើការជាអ្នកសំដែងនិងជាតារាកំប្លែង។
គាត់គឺជាអ្នកផលិតខ្សែភាពយន្តដែលមានផលិតភាពនិងការច្នៃប្រឌិត ហើយការសម្តែងដំបូងរបស់ Chaplin គឺនៅសាលតន្ត្រីក្នុងនាមជាអ្នកសំដែងលើឆាកនិងជាអ្នកកំប្លែងនៅអាយុ ១៩ ឆ្នាំ។ បន្ទាប់មកគាត់បានទៅសហរដ្ឋអាមេរិកដែលជាកន្លែងគាត់ត្រូវបានគេថតសម្រាប់ឧស្សាហកម្មភាពយន្តហើយក៏បានចាប់ផ្តើមបង្ហាញខ្លួននៅឆ្នាំ ១៩១៤ សម្រាប់Kidstone studio ។
មិនយូរប៉ុន្មានគាត់ក៏បានបង្កើតតួអង្គ Tramp និងបង្កើតមូលដ្ឋានអ្នកគាំទ្រដ៏ធំមួយ។ Chaplin បានក្លាយជាអ្នកដឹកនាំខ្សែភាពយន្តផ្ទាល់របស់គាត់តាំងពីដំណាក់កាលដំបូង ហើយបានបន្តបង្កើតស្នាដៃរបស់ខ្លួនជាច្រើនទៀត។ Chaplin បាននិពន្ធ, ដឹកនាំ, ផលិត, កែសំរួល និងតែងចំរៀងសំរាប់ខ្សែភាពយន្តជាច្រើនទៀតរបស់គាត់។ គាត់ជាមនុស្សល្អឥតខ្ចោះហើយឯករាជ្យទៅលើផ្នែកហិរញ្ញវត្ថុរបស់គាត់ មិនត្រឹមតែប៉ុណ្ណោះលោកក៏ទទួលបានការកោតសរសើរពីសំណាក់ព្រះមហាក្សត្រនៃចក្រក្រភពអង់គ្លេសថែមទៀតផង។
ប៉ុន្តែនៅទសវត្សឆ្នាំ ១៩៤០ គឺជាទស្សវត្សមួយដែលត្រូវបានគេសម្គាល់ថាមានភាពចម្រូងចម្រាសសម្រាប់ Chaplin ហើយប្រជាប្រិយភាពរបស់គាត់ក៏បានធ្លាក់ចុះយ៉ាងឆាប់រហ័សផងដែរ។ គាត់ត្រូវបានគេចោទប្រកាន់ពីការអាណិតអាសូរកុម្មុយនិស្តខណៈពេលដែលការចូលរួមរបស់គាត់ និងរៀបអាពាហ៍ពិពាហ៍ជាមួយស្ត្រីវ័យក្មេងបានបង្កអោយមានរឿងអាស្រូវ តែទោះជារឿងក្លាយទៅជាបែបនេះក៏ដោយគាត់នៅតែទទួលបានល្បីល្បាញម្តងទៀតដោយលោកបានបង្កើតស្នាដៃភាពយន្តថ្មីៗសម្រាប់ទស្សនិកជនរបស់គាត់។
នៅខែតុលាឆ្នាំ ១៩៧៧ សុខភាពរបស់ Chaplin បានធ្លាក់ចុះដល់ចំណុចដែលគាត់ត្រូវការ ការថែទាំជាប្រចាំ។ ប៉ុន្តែដោយសារតែស្ថានភាពជំងឺធ្ងន់ធ្ងរពេកលោកក៏បានទទួលមរណភាពនៅថ្ងៃទី ២៥ ខែធ្នូ ក្នុងអាយុ៨៨ឆ្នាំនៅឯប្រទេសស្វីស ហើយពិធីបុណ្យសពរបស់គាត់ត្រូវបានប្រារព្ធជាពិធីតូចមួយ និងឯកជនដោយយោងទៅតាមការចង់បានរបស់គាត់កាលពីនៅរស់ ៕
ប្រភព : បរទេស
ព័ត៌មានថ្មីៗ
