សាធារណរដ្ឋប៉ូឡូញគឺជាប្រទេសមួយដែលមានទីតាំងនៅអឺរ៉ុបកណ្ដាល។ វាត្រូវបានបែងចែកជាខេត្តរដ្ឋបាលចំនួន ១៦ ដែលមានផ្ទៃក្រឡាសរុប ៣១២.៦៩៦ គីឡូម៉ែត្រការេនិងជាប្រទេសមួយដែលមានអាកាសធាតុក្តៅខ្លាំង។ ប៉ូឡូញអាចនិយាយបានថាគឺជាប្រទេសមួយក្នុងចំណោមប្រទេសដែលមានវប្បធម៌និងប្រវត្តិសាស្ត្ររស់រវើកបំផុតរបស់ទ្វីបអឺរ៉ុប មិនត្រឹមតែប៉ុណ្ណោះវាថែមទៀតបង្កប់នូវរឿងរ៉ាវគួរអោយចាប់អារម្មណ៍ជាច្រើនថែមទៀតផង។

ខាងក្រោមនេះគឺជារឿងដែរគួរអោយចាប់អារម្មណ៍នៃប្រទេសមួយនេះ៖

១.ប៉ូឡូញស្ថិតនៅក្នុងចំនាត់ថ្នាក់ទិ៩ប្រទេសធំជាងគេទាំង ១០ នៅអឺរ៉ុប

ទំហំរបស់ប្រទេសប៉ូឡូញអាចនឹងធ្វើឱ្យអ្នកភ្ញាក់ផ្អើល ដោយសារតែវាលាតសន្ធឹងលើផ្ទៃក្រឡាប្រហែល ៣០០.០០០ គីឡូម៉ែត្រការេឯណោះ ដែលធ្វើអោយវាក្លាយជាប្រទេសដែលធំជាងគេទី ៩ នៅអឺរ៉ុប។ ប្រទេសមួយនេះបានកកើតឡើងភ្លាមៗបន្ទាប់ពីន័រវែសហ្វាំងឡង់និងអាល្លឺម៉ង់បានផ្តួលអ៊ីតាលីរ៉ូម៉ានីនិងបេឡារុស្ស។

២. ឈ្មោះប៉ូឡូញមានអត្ថន័យយ៉ាងពិសេស

ឈ្មោះប្រទេសប៉ូឡូញមានអត្ថន័យប្លែកនិងពិរោះជាខ្លាំងដែលវាទាក់ទងនឹងទេសភាពរបស់ប្រទេសមួយនេះ។ វាបានមកពីឈ្មោះកុលសម្ព័ន្ធ Polanie ដែលមានន័យថាប្រជាជនរស់នៅតាមទីវាល។ ខណៈពេលដែលប្រទេសប៉ូឡូញមានទេសភាពធំទូលាយឆ្ងាយពីវាលស្រែ ឈ្មោះនេះបានរៀបរាប់អំពីប្រវត្តិសាស្ត្រសម្បូរបែបរបស់កុលសម្ព័ន្ធនៅទូទាំងប្រទេស។

៣. ប៉ូឡូញមានប្រវត្ដិសាស្ដ្រដ៏យូរលង់មកហើយ និងតែងតែមានសោកនាដកម្មនានា

វាមិនមែនជារឿងអាថ៌កំបាំងនោះទេដែលប្រវត្តិសាស្រ្តរបស់ប៉ូឡូញគឺមានភាពជូរចត់ ព្រោះសូម្បីតែសង្រ្គាមលោកលើកទី ២ ត្រូវបានបញ្ចប់ក៏ដោយ ប៉ូឡូញនៅតែប្រយុទ្ធដោយមិនចេះនឿយហត់ដើម្បីឋានៈរបស់ខ្លួនអស់ជាច្រើនសតវត្សរ៍។ តាមពិតទៅប្រទេសនេះត្រូវបានលុកលុយឬបានប្រយុទ្ធដើម្បីសេរីភាពដល់ទៅ ៤០ ដងឯណោះ ហើយលើសពីនេះទៅទៀតវាបានបាត់ពីផែនទីពិភពលោកក្នុងចន្លោះឆ្នាំ ១៧៧២ និង ១៧៩៥ ទៀតផង។ នៅក្នុងសង្គ្រាមលោកលើកទី ២ ទីក្រុងវ៉ារស្សាវ៉ារបស់ប្រទេសប៉ូឡូញត្រូវបានបំផ្លាញទាំងអស់ ហើយទីក្រុងចាស់ដែលអ្នកបានឃើញសព្វថ្ងៃនេះគឺត្រូវបានសាងសង់ឡើងវិញស្ទើរតែទាំងស្រុងតែម្តង។

៤. ទេសភាពរបស់ប៉ូឡូញមានការប្រែប្រួលខ្លាំង

សម្រស់ធម្មជាតិនៅប៉ូឡូញគឺស្ថិតនៅលំដាប់ទី ២ ដោយមានជួរភ្នំជិត ៨០០ គីឡូម៉ែត្រពីច្រាំងសមុទ្រ ហើយសមុទ្រខាផាសនិងធាតត្រារបស់ពួកគេគឺមានទេសភាពធម្មជាតិពិតជាគួរឱ្យចាប់អារម្មណ៍ណាស់ មិនត្រឹមតែប៉ុណ្ណោះថែមទាំងមានវប្បធម៌ដ៏សម្បូរបែបផងដែរ។

៥. វាជាផ្ទះរបស់សត្វដែលមានទម្ងន់ធ្ងន់ជាងគេនៅអឺរ៉ុប

Białowieża Primeval Forest គឺជាព្រៃទំនាបដំបូងនិងចុងក្រោយបង្អស់នៅអឺរ៉ុបដែលត្រូវបានគេគ្រប់គ្រងដើម្បីរក្សាបាននូវទេសភាពស្អាត និងបុរាណជាងគេ ហើយប្រសិនបើអ្នកទៅដល់ព្រៃ Białowieża Primeval នោះអ្នកនឹងបានឃើញ Bison ដែលជាសត្វមានទម្ងន់ធ្ងន់ជាងគេនៅអឺរ៉ុប ដែលនៅក្នុងព្រៃនេះមានសត្វ Bison រហូតទៅដល់ជិត ៨០០ ក្បាលឯណោះ។

៦. សម្បូរទៅដោយតំបន់បេតិកភណ្ឌពិភពលោក

ប៉ូឡូញជាប្រទេសដែលមានបេតិកភណ្ឌពិភពលោកចំនួន១៦ ដែលក្នុងចំណោមនោះមានដូចជា ប្រាសាទ Malbork នៅសតវត្សរ៍ទី ១៣ដ៏ស្រស់ស្អាត។ វាមិនត្រឹមតែជាទស្សនីយភាពគួរឱ្យចាប់អារម្មណ៍ប៉ុណ្ណោះទេ ប៉ុន្តែវាថែមទាំងជាប្រាសាទធំបំផុតនៅលើពិភពលោកផងដែរ។ តំបន់ដែលមានប្រជាប្រិយភាពផ្សេងទៀតរួមមានព្រៃ Białowieża Primeval, មជ្ឈមណ្ឌល Wieliczka Salt Mine និង មជ្ឈមណ្ឌលប្រវត្តិសាស្ត្រនៃ Kraków ជាដើម។

៧. មានភោជនីយដ្ឋានចំណាស់ជាងគេនៅអឺរ៉ុប

នៅក្នុងបញ្ជីនៃអង្គហេតុអស្ចារ្យអំពីប៉ូឡូញ អ្នកនឹងឃើញថាវាជាប្រទេសមួយដែលមានភោជនីយដ្ឋានចំណាស់ជាងគេនៅអឺរ៉ុប និងពិភពលោក ពោលគឺវាបើកតាំងពីឆ្នាំ១២៧៥ មកម្ល៉េះហើយវាក៏នៅតែបើករហូតមកដល់សព្វថ្ងៃនេះសម្រាប់ទទួលភ្ញៀវទេសចរណ៍អោយមកសាកម្ហូបដ៏ចំណាស់ និងសម្បូរបែបរបស់ពួកគេ៕

ប្រភព : បរទេស