នរណាគេហ្វេនរឿងកូរ៉េខ្លះ តោះមកស្គាល់អាហារដ៏ពេញនិយមរបស់ជនជាតិកូរ៉េខាងត្បូង ក្នុងរដូវក្តៅទាំងអស់គ្នា!
នៅក្នុងរដូវក្តៅ ចាប់ពីខែកក្កដាដល់សីហា សីតុណ្ហភាពរបស់ប្រទេសកូរ៉េខាងត្បូ ងគឺនៅចន្លោះ ២៣ ដល់ ៣០អង្សារសេ ប៉ុន្តែវាក៏ជាពេលដែលមានភ្លៀងមូសុងធ្លាក់មកជារៀងរាល់ឆ្នាំនៅក្នុងរដូវនេះផងដែរ។ ហើយដោយសារតែរដូវក្តៅខ្លាំង និងមានភ្លៀងធ្លាក់ច្រើនថ្ងៃផងនោះ ប្រជាជនកូរ៉េ តែងតែនិយមបរិភោគម្ហូបអាហារទៅតាមអាកាសធាតុ ដូចនេះហើយថ្ងៃនេះយើងនឹងណែនាំពីមុខម្ហូបដែលជនជាតិកូរ៉េពេញនិយមក្នុងរដូវក្តៅមកអោយអ្នកទាំងអស់គ្នាបានស្គាល់។
តោះមកតាមដានមុខម្ហូបទាំងអស់គ្នា ៖
១០. Chi-mek
ស្រាបៀរ គឺជាភេសជ្ជៈដ៏ពេញនិយមនៅរដូវក្តៅ ហើយបើមានសាច់មាន់បំពងទៀតនោះគឺកាន់តែជក់ចិត្ត។ ហេតុនេះហើយទើបជនជាតិកូរ៉េជាភាគច្រើន ចូលចិត្តទៅទទួលទានអាហារប្រភេទនេះ នៅតាមហាងតូចៗ តាមចញ្ចើមផ្លូវ ដែលពោរពេញដោយមនុស្សអ៊ូអរ។
៩. Jangeo-gui (장어구이)
អន្ទង់ដុត គឺជាមុខម្ហូបក្នុងរដូវក្តៅដ៏ពេញនិយមនៅក្នុងប្រទេសកូរ៉េ ហើយវាត្រូវបានគេស្គាល់ថាជាប្រភពវីតាមីន និងផ្តល់ថាមពលដល់រាងកាយផងដែរ។
៨. Samgyetang (삼계탕)
ជនជាតិកូរ៉េជឿជាក់ថា វិធីល្អបំផុតដើម្បីអាចធន់ទ្រាំនឹងអាកាសធាតុក្តៅបានគឺត្រូវហូបរបស់ក្តៅ ហើយនេះគឺជាហេតុផលមួយក្នុងចំណោមហេតុផលជាច្រើន ដែលធ្វើអោយគេនិយមហូបស៊ុបក្តៅ ក្នុងរដូវក្តៅ។ Samgyetang គឺជាម្ហូបមួយក្នុងចំណោមការពេញនិយមបំផុត ដែលមានការរួមបញ្ចូលគ្នារវាងយិនស៊ិន, សាច់មាន់, អង្ករម្សៅ, ជូប៊ូប និងឱសថ ដែលបានធ្វើឱ្យវាក្លាយជាម្ហូបមានតម្លៃអាហារូបត្ថម្ភខ្ពស់ និងជាអាហារដ៏ល្អដើម្បីកាត់បន្ថយពីភាពនឿយហត់ ។
៧. Makguksu (막국수)
គុយទាវត្រជាក់ គឺជាមុខម្ហូបរដូវក្តៅពេញនិយមបំផុត។ គុយទាវត្រូវបានចម្អិនហើយបន្ទាប់មកដាក់ក្នុងទឹកជូរត្រជាក់ (ជួនកាលធ្វើជាមួយគីមឈី) ជាមួយត្រសក់បន្លែ និងសាច់ ហើយដាក់ជាមួយម្ទេសក្រហម។
៦. Patbingsu (팥빙수)
វាជាបង្អែមមួយចាន ដែលមានទឹកកកម៉ត់ជាមួយផ្លែឈើ សណ្តែកក្រហមផ្អែម ទឹកស្ករ ទឹកដោះគោឆៅ និងការបន្ថែមផ្សេងៗទៀតទៅតាមការចូលចិត្ត។
៥. Chogye guksu (초계국수)
Chogye guksu គឺជាម្ហូបសំលសាច់មាន់មួយមុខ ដែលរួមជាមួយ Samgyetang និង jimdak ។ គុយទាវត្រូវបានគេកាត់ដោយប្រើកាំបិតជាមួយសាច់មាន់,ទឹកខ្មះ និងឱសថជាច្រើនទៀត។ ចំណែកឯរសជាតិរបស់វាគឺប្លែកខ្លាំង, រសជាតិដិត និងស្រស់ស្រាយ។
៤. Oi-muchim (오이 무침 )
Oi-muchim គឺធ្វើឡើងពីត្រសក់ ដែលត្រូវបានគេចិតជាចំណិត បន្ទាប់មកប្រលាក់ជាមួយទឹកខ្មេះ ខ្ទឹមបារាំង ម្ទេសក្រហម និងគ្រាប់ល្ង។ រសជាតិផ្អែម និងជូរធ្វើឱ្យវាក្លាយជាម្ហូប (side dishes) ដ៏ល្អឥតខ្ចោះសម្រាប់រដូវក្តៅ។
៣. Jjimdak (찜닭)
Jjimdak គឺមានរសជាតិឆ្ងាញ់បំផុត ដែលសាច់មាន់ត្រូវបានចម្អិនជាមួយម្ទេស ផ្សិត ការ៉ុតនៅក្នុងទឹកស៊ីអ៊ីវ ហើយបន្ទាប់មកបន្ថែមគុយទាវថ្លាចូលទៅក្នុងនោះ។ រីឯរសជាតិរបស់វាគឺសម្បូរបែបណាស់ ហើយក៏ជាម្ហូបដ៏អស្ចារ្យមួសម្រាប់ញុំានៅរដូវក្តៅផងដែរ។
២. Kongguksu (콩국수)
មុខម្ហូបនេះគឺជាមុខម្ហូបមួយផ្សេងទៀត ដែលពេញនិយមនៅប្រទេសកូរ៉េ។ ដោយសណ្តែកត្រូវបានគេដាំឱ្យពុះ (បន្ទាប់ពីត្រាំក្នុងទឹកមួយយប់) ហើយបន្ទាប់មកដាក់វានៅក្នុងម៉ាស៊ីនលាយ។ បន្ទាប់ពីលាយសណ្តែកសៀង ជាមួយទឹកត្រជាក់, គ្រាប់ស្រល់ និងអំបិល។ វាត្រូវបានគេបន្ថែមអោយមានរសជាតិជូរ និងបន្ថែមគុយទាវឆ្អិនទៅក្នុងក្នុងចាន ដែលមានដុំទឹកកក និងត្រូវបានគេតុបតែងជាមួយត្រសក់ជាដើម។
១. Naengmyeon (냉면)
Naengmyeon ជាមីត្រជាក់កូរ៉េ (ធ្វើពីបបរឆៅ ដំឡូងបារាំង ម្សៅដំឡូងជ្វា) ជាម្ហូបធ្វើពីសាច់គោជាមួយទឹកកក,បន្លែ និងចំណិតសាច់ដាក់ពីលើជាមួយស៊ុតឆ្អិន។ ហើយសព្វថ្ងៃនេះ វាគឺជាមុខម្ហូបដ៏ពេញនិយមបំផុតមួយនៅរដូវក្តៅ ប៉ុន្តែតាមពិតដើមកំណើតរបស់ម្ហូបនេះ គឺមកពីប្រទេសកូរ៉េខាងជើងនោះទេ៕
ប្រភព ៖ បរទេស
ព័ត៌មានថ្មីៗ
