Cheese Corndog គឺជាអាហារតាមផ្លូវដ៏ឈ្ងុយឆ្ងាញ់ និងពេញនិយមមួយប្រភេទនៅក្នុងប្រទេសកូរ៉េ។ ហើយអ្វីដែលធ្វើឲ្យ Cheese Corndog របស់ប្រទេសកូរ៉េខុសប្លែកពី Corndog ប្រទេសអាមេរិកនោះគឺ សម្បកវាមានលក្ខណៈស្រួយជាង និងមានរោយស្ករសនៅពីលើ ដែលមានរសជាតិផ្អែមលាយជាមួយរសជាតិប្រៃៗចេញពី Cheese នៅខាងក្នុង ពោលគឺធានាឆ្ងាញ់ប្លែកពី Corndog ផ្សេងទៀត។

ខាងក្រោមនេះគឺជាវិធីធ្វើ Cheese Corndog ងាយៗនៅផ្ទះដែលអ្នកអាចសាកល្បងបាន!

គ្រឿងផ្សំ៖

#សម្រាប់ល្បាយម្សៅទុកបំពង

•ម្ស៉ៅមី ១ពែង

•Baking Powder ២ស្លាបព្រាបាយ

•អំបិល កន្លះស្លាបព្រាបាយ

•ស្ករស ២ស្លាបព្រាបាយ

•ស៊ុត ១គ្រាប់

•ទឹកដោះគោ ៣ភាគ៤នៃពែង

#សម្រាប់ Cheese Corndog

•ឈីសវែងៗ ៧ទៅ៨ដើម

•កម្ទេចនំបុ័ង (Panko bread crumb) ១ពែង

•ប្រេងឆា

•ទឹកម្ទេសឬទឹកប៉េងប៉ោះ និង Mustard

# វិធីធ្វើ៖

១. ចាប់ផ្តើមពីការលាយល្បាយម្សៅសម្រាប់បំពង ដោយធ្វើការលាយម្សៅមី , baking powder , អំបិល និងស្ករសចូលគ្នារួចកូរឲ្យសព្វ។

២. គោះស៊ុត និងចាក់ទឹកដោះគោចូលរួចកូរឲ្យខាប់ និងម៉ត់ល្អហើយចាក់វាចូលកែវដែលមានរាងវែងមួយ។

៣. ដោតឈីសចូលចង្កាក់ឈើរួចរោយម្សៅមីពីលើ ហើយដាក់ចូលទូទឹកកករយៈពេល ៥ ទៅ ១០នាទី។

៤. កម្តៅប្រេងឆាក្នុងខ្ទះឲ្យក្តៅ បន្ទាប់មកជ្រលក់ឈីសចង្កាក់ចូលទៅក្នុងល្បាយម្សៅ ហើយរោយកម្ទេចនំបុ័ងពីលើឲ្យសព្វ រួចដាក់ចូលទៅបំពងក្នុងប្រេងឆា។

៥. បំពងឈីសរយៈពេល ៥នាទីរហូតដល់គ្រៀមសឹមដកចេញពីខ្ទះ រួចទុកឲ្យវាស្រកខ្លាញ់។

៦. ចុងក្រោយបង្អស់ អ្នកគ្រាន់តែរោយស្ករសទៅលើ Cheese Corndog និងចាក់ទឹកប៉េងប៉ោះមឬទឹកម្ទេសពីលើគឺជាការស្រេច នោះលោកអ្នកនឹងទទួលបាន Korean Cheese Corndog ដ៏ឆ្ងាញ់ពិសារ និងស្រួយជក់មាត់តែម្តង៕

ប្រភព ៖​ បរទេស