តោះ! មកមើលអាងចិញ្ចឹមត្រីដ៏ស្រស់ស្អាតជាងគេបំផុតទាំង ១០ នៅសហរដ្ឋអាមេរិក
ជាទូទៅ ប្រទេសណាក៏មានអាងចិញ្ចឹមត្រីដែរប៉ុន្តែសហរដ្ឋអាមេរិកត្រូវបានគេចាត់ទុកថាជាប្រទេសមួយដែលសម្បូរទៅដោយអាងចិញ្ចឹមត្រីក្រោមសមុទ្រដែលល្អបំផុតនៅលើពិភពលោក ហើយអាងចិញ្ចឹមត្រីទំាងនោះគឺជាជម្រកសត្វសមុទ្រជាច្រើនប្រភេទដែលមានភាពស្រស់ស្អាតនិងលេចធ្លោរជាងគេ។
ហើយប្រសិនបើអ្នកទាំងអស់គ្នាចង់ដឹងថាវាមានសម្រស់ស្រស់ស្អាតយ៉ាងណានោះ តោះមកទស្សនាអាងត្រីទាំំង១០នោះទំាងអស់គ្នា!
១.អាងចិញ្ចឹមត្រី Monterey Bay, រដ្ឋ California
អាងត្រីនេះគឺស្ថិតនៅមាត់សមុទ្រ Monterey រដ្ឋ California ហើយវាត្រូវគេចាត់ទុកជាអាងចិញ្ចឹមត្រីល្អបំផុតមួយក្នុងចំណោមអាងចិញ្ចឹមត្រីនៅសហរដ្ឋអាមេរិកទាំងអស់ ព្រោះវាមានផ្ទាំងកញ្ចក់ធំៗនិងមានដូចជាសត្វសេះសមុទ្រដ៏ធំនៅប៉ាស៊ីហ្វិក, សត្វភេនឃ្វីន និងសត្វជាច្រើនទៀត។ ហើយអាងត្រីមួយនេះមិនត្រឹមតែធ្វើអោយភ្ញៀវទេសចរណ៍ទទួលបានបទពិសោធន៍ថ្មីប៉ុណ្ណោះទេ ប៉ុន្តែវាថែមទាំងជួយអភិរក្សសត្វទំាងអស់នោះផងដែរ។
២.អាងចិញ្ចឹមត្រី New England រដ្ឋ Massachusetts
អាងចិញ្ចឹមត្រី New England មានទីតាំងស្ថិតនៅកំពង់ផែបូស្តុនដែលទាក់ទាញបានភ្ញៀវទេសចរណ៍ជាងមួយលាននាក់ក្នុងមួយឆ្នាំៗ។ នៅទីនោះមានវត្តមានសត្វជាច្រើន ហើយជាពិសេសនោះគឺត្រីឆ្លាមដ៏ធំ និងសត្វប្លែកៗជាច្រើនទៀត ដែលអាចធ្វើអោយភ្ញៀវទេសចរណ៍មើលឃើញយ៉ាងច្បាស់តាមរយះកញ្ចក់នៃអាងទឹកបាន។ ម្យ៉ាងទៀតនៅទីនោះមានរួមទាំងការសម្តែងផ្សេងៗ និងភាពអស្ចារ្យរបស់ Giant Ocean Tank (រថក្រោះមហាសមុទ្រយក្ស) ចំណុះ ២០០.០០០ ហ្គាឡុងថែមទៀតផង។
៣.អាងចិញ្ចឹមត្រី Audubon of the Americas រដ្ឋ Louisiana
អាងចិញ្ចឹមត្រី Audubon នេះគឺស្ថិតក្នុងទ្វីបអាមេរិចនៅលើទន្លេ Mississippi River នៃទីក្រុង New Orleans ដែលវាគឺជាជម្រករបស់សត្វចំនួន ២៥០ ប្រភេទផ្សេងៗគ្នា។ អាងត្រីនេះគឺមានទេសភាពដូចជាឋានសួគ៌នៃក្រោមសមុទ្រដែលធ្វើអោយអ្នកមិនអាចបំភ្លេចបានអញ្ចឹង ហើយអ្នកក៏អាចចំណាយពេលជាមួយសត្វសមុទ្រដ៏គួរអោយស្រលាញ់ទាំងនោះផងដែរ។
៤.អាងចិញ្ចឹមត្រី Shedd រដ្ឋ Illinois
អាងចិញ្ចឹមត្រី Shedd ដ៏ល្បីល្បាញរបស់ទីក្រុងឈីកាហ្គោមួយនេះ គឺមានផ្ទុកនូវប្រភេទត្រីបាឡែន beluga whales, saltwater fish, ត្រីដូហ្វីននិងតោសមុទ្រជាដើម។ ហើយសត្វសមុទ្រនៅទីនោះគឺអាចទាក់ទាញចំណាប់អារម្មណ៍របស់ភ្ញៀវទេសចរណ៍ដោយភាពឆ្លាតវ័យរបស់ពួកវានិងមានចរិកគួរអោយស្រលាញ់បំផុត។
៥.អាងត្រី Georgia Aquarium, រដ្ឋ Georgia
ភ្ញៀវដែលមានសំណាងជាងគេនោះគឺអាចនឹងបានឃើញត្រីបាឡែន ត្រីឆ្លាម ត្រីដូហ្វី និងក្រពើអាមេរិកដ៏ធំដែលមាននៅក្នុងអាងត្រីមួយនេះ ហើយមិនត្រឹមតែមានការទស្សនាសត្វទាំងនោះទេ ប៉ុន្តែវាក៏មាននូវព្រឹត្តិការណ៍ហាត់ Yoga នៅក្រោមសមុទ្រ ដែលមានការចូលរួមពីអ្នកដើរកម្សាន្តជាច្រើននាក់ផងដែរ។
៦.អាងចិញ្ចឹមត្រី Seattle រដ្ឋ វ៉ាស៊ីនតោន
នៅលើឆ្នេរ Elliott ក្នុងទីក្រុង Emerald រដ្ឋវ៉ាស៊ីនតោន មានអាងចិញ្ចឹមត្រីឈ្មោះ Seattle ដែលត្រូវបានអនុញ្ញាតឱ្យភ្ញៀវចំណាយពេលពេញមួយថ្ងៃក្នុងការទស្សនាអាងត្រីដ៏ស្រស់ស្អាតនេះ។ ហើយអាងចិញ្ចឹមត្រី Seattle ក៏កំពុងតែធ្វើការបើកសាខាមួយកន្លែងទៀតនៅមហាសមុទ្រប៉ាស៊ីហ្វិកផងដែរ ដើម្បីទទួលបាននូវចំនួនភ្ញៀវទេសចរណ៍កើនឡើង និងផ្តល់ជូនសាធារណៈជននូវបទពិសោធន៍ថ្មីមួយនៃការទស្សនាអាងត្រីដ៏អស្ចារ្យរបស់ពួកគេ។
៧.អាងចិញ្ចឹមត្រីញូវយ៉ក នៅទីក្រុងញូវយ៉ក
អាងចិញ្ចឹមត្រីញូវយ៉កមួយនេះគឺមានដូចជារោងមហោស្រព 4D, ការផ្តល់ចំណីដល់សត្វ ,ការតាំងពិព័រណ៍សត្វព្រៃ និងសត្វសមុទ្រជាច្រើនប្រភេទជាដើម។ ហើយអ្វីដែលធ្វើអោយអ្នកកាន់តែភ្ញាក់ផ្អើលនោះ គឺវាមានផ្ទុកនូវប្រភេទត្រីឆ្លាមរហូតដល់ទៅ ៥ ប្រភេទនៅក្នុងការពិព័រណ៍មហាសមុទ្រដ៏អច្ឆរិយៈថែមទៀតផង។
៨.អាងត្រី National Aquarium, រដ្ឋ Maryland
អ្នកនឹងបានឃើញនូវសត្វ ៨០០ ប្រភេទចំនួន ២០,០០០ ក្បាល នៅក្នុងអាងចិញ្ចឹមត្រីដ៏ធំមួយនេះ។ ហើយជាពិសេសនោះវាមានការតុបតែងដូចជា ព្រៃអាម៉ាហ្សូន ផ្កាថ្មអាត្លង់ទិច និងជ្រលងទន្លេអូស្រ្តាលីថែមទៀតផង ដែលវាអាចទាក់ទាញភ្ញៀវមកទស្សនាមិនដាច់នោះឡើយ។
៩.អាងត្រី Alaska SeaLife Center រដ្ឋអាឡាស្កា
នៅឯ Alaska SeaLife Center អ្នកនឹងឃើញមានសត្វសមុទ្រជាច្រើនប្រភេទដូចជា៖ សត្វតោសមុទ្រ, ត្រីសូម៉ុង និងត្រីរ៉ុកឃ្វែរជាដើម ដែលអាងត្រីនោះពិតជាមានទំហំធំនិងហាក់បីដូចជាពិភពលោកមួយនៅក្នុងសមុទ្រអញ្ចឹង ម្យ៉ាងទៀតវាមានមនុស្សយ៉ាងអ៊ូអរទៅទស្សនាជារៀងរាល់ចុងសប្តាហ៍ថែមទៀតផង។
១០.អាងត្រី Oregon Coast Aquarium ឆ្នេរ Oregon
ភ្ញៀវទេសចរណ៍ដែលចូលទៅទស្សនាគឺអាចមើលឃើញផ្កាថ្មប៉ាស៊ីហ្វិកដ៏ស្រស់ស្អាត និងបានឃើញមហាសាគរនៃមហាសមុទ្រប៉ាស៊ីហ្វិកដ៏ធំមួយនៅទីនោះផងដែរ។ មួយវិញទៀតវាពិតជាអស្ចារ្យខ្លាំងណាស់សម្រាប់អាងត្រីដ៏ធំមួយនេះ ដែលបានដាក់តាំងនូវសត្វសមុទ្រគ្រប់ប្រភេទដើម្បីអោយភ្ញៀវបានទស្សនាទុកជាការកម្សាន្តសម្រាប់ថ្ងៃចុងសប្តាហ៍របស់ពួកគេ៕
ប្រភព ៖ បរទេស
ព័ត៌មានថ្មីៗ
