មុខហូវ កំប្លែងស្ងួតខ្លាំង « I’m Not Perfect » ពីតារាចម្រៀងល្បី ពេជ្រ សោភា ស្តាប់ហើយស្រស់ស្រាយ (មានវីដេអូ)
អ្នកនាង ពេជ្រ សោភា ត្រូវបានគ្រប់គ្នាស្គាល់ថា ជាតារាចម្រៀងចាស់វស្សាដែលមានកេរ្តិ៍ឈ្មោះល្បីមិនដែលថមថយទៅតាមពេលវេលាឡើយ ជាពិសេសបទចម្រៀងមួយបទៗរបស់អ្នកនាង សុទ្ធតែពិរោះរណ្តំ ហើយមានគំនិតច្នៃប្រតិដ្ឋខ្លាំងទាំងទំនុកច្រៀង ទំនុកភ្លេង រួមទាំងការសម្តែងនៅក្នុងវីដេអូចម្រៀងផងដែរ។
កាន់តែពិសេសថ្មីៗនេះ អ្នកនាង ពេជ្រ សោភា បានបញ្ចេញបទចម្រៀងថ្មីមួយបទទៀតហើយមានចំណងជើងថា «I’m Not Perfect » ធ្វើឱ្យអ្នកគាំទ្រកោតសរសើរខ្លាំងចំពោះរសជាតិបែបថ្មីនៃការច្រៀងភាសាអង់គ្លេសសំនៀងភាសាខ្មែរបែបកំប្លែងស្តាប់ទៅពិរោះម្យ៉ាង ពិសេសគឺវីដេអូចម្រៀងនេះវិញមានការច្នៃភាពសាមញ្ញតែមើលទៅប្លែកបែបកំប្លែងស្ងួត។
បទចម្រៀងនេះត្រូវបានមហាជនលាន់មាត់ថាពិរោះ មានអត្ថន័យ បង្កប់នូវរសជាតិកំប្លែង ស្តាប់ហើយចង់ស្តាប់ទៀត ជាមួយការសម្តែងបែបមុខហូវ មើលទៅប្លែកម្យ៉ាង។
តោះចង់ដឹងថាបទចម្រៀង «I’m Not Perfect » នេះមានអត្ថន៍យបែបណា តាមដានវីដេអូខាងក្រោមនេះ ៖
ព័ត៌មានថ្មីៗ
