ដំណឹងមរណភាពនៃអតីតតារាភាពយន្តខ្មែរ ណុប យ៉ាដា តួឯកក្នុងខ្សែភាពយន្តរឿង រិទ្ធីវង្ស រឺ នរកលោកិយ
នារាត្រីថ្ងៃទី៦ ខែកញ្ញា ឆ្នាំ២០២១ ក្រុមព្រះសុរិយាបានទទួលដំណឹងដ៏រន្ធត់និងក្រៀមក្រំមកថា :
លោកស្រី ណុប យ៉ាដា អតីតតារាភាពយន្តខ្មែរមួយរូបកាលពីទសវត្ស៦០ ដែលមានភ័ព្វសំណាងបានរួចផុតពីការស្លាប់ក្នុងរបបខ្មែរក្រហមបានទទួលមរណភាពកាលពីថ្ងៃទី២៧ ខែសីហា ឆ្នាំ២០២១នាគេហដ្ឋានរបស់លោកស្រីនាខេត្តមួយក្បែរក្រុងម៉ារ៍សី ប្រទេសបារាំង ក្នុងជន្មាយុ ៨១ឆ្នាំ ដោយរោគាពាធ។
នេះជាដំណឹងដ៏សែនសោកស្តាយរកទីបំផុតគ្មានសម្រាប់ក្រុមព្រះសុរិយា ក្រុមអ្នកស្រាវជ្រាវមរតកចម្រៀង និងភាពយន្តខ្មែរពីអតីត ក៏ដូចជាបងប្អូនប្រជាជនខ្មែរដែលស្រឡាញ់គាំទ្រមរតកសិល្បៈខ្មែរនាសម័យយុគមាស។
ការបាត់បង់លោកស្រីគ្មានថ្ងៃវិលត្រឡប់មកវិញនេះ ប្រៀបដូចជាបាត់បង់វត្ថុដ៏មានតម្លៃមួយរបស់ប្រជាជាតិខ្មែរ។
លោកស្រី ណុប យ៉ាដា ដែលមហាទស្សនិកជនប្រាកដជាស្គាល់លោកស្រីយ៉ាងច្បាស់តាមរយះខ្សែភាពយន្តខ្មែរជាច្រេីនដូចជាកូលាបស្រពោន រឿង ពេជ្ឃឃាតក្រមុំ រឿងបក្សីចាំក្រុង រឿងចៅស្រទបចេក ពិសេសរឿង ស្រមោលអតីតកាល និងរឿងនរកលោកិយ។
KnongSrok TV សូមបួងសួងដល់វិញ្ញាណក្ខន្ធលោកស្រីសូមអញ្ជេីញទៅកាន់សុគតិភពកុំបីឃ្លាងឃ្លាតឡេីយ។
ប្រភព៖ ក្រុមព្រះសុរិយា
ព័ត៌មានថ្មីៗ
