អ្នកនិពន្ធទំនុកច្រៀងដែលមានការតស៊ូមួយរូបនៅខេត្តក្រចេះ លោក អេង វុត្ថា ហៅ Mrr. Tha នៅតែបន្តក្តីស្រមៃជាអ្នកនិពន្ធទំនុកច្រៀងរបស់ខ្លួនយ៉ាងព្យាយាមបំផុត ទោះបីជាលោកមិនសូវមានឈ្មោះបោះសម្លេងក្នុងវិស័យសិល្បៈក៏ដោយ។

លោក អេង វុត្ថា បានតស៊ូព្យាយាមយ៉ាងខ្លាំងក្លាក្នុងវិស័យតែងនិពន្ធតាំងពីឆ្នាំ២០១៥មកម្លេះ ដោយលោកបានចូលរួមប្រកួតតែងនិពន្ធក្នុងកម្មវិធីមួយ ប៉ុន្តែកម្មវិធីនោះបែបជាមានបញ្ហាមិនបានបើកបង្ហាញជាផ្លូវការទៅវិញ។

លោក អេង វុត្ថា ហាក់មានការអស់សង្ឃឹមចង់បោះបង់បោះចោលម្តង ដោយសារតែទំនុកច្រៀងដែលលោកខំប្រឹងសរសេរអស់ពីចិត្ត បេះដូង ថ្លើម ប្រម៉ាត់ ត្រូវអ្នកចម្រៀងយកទៅទុកចោលទៅវិញ។

បញ្ជាក់ផងដែរថា លោក អេង វុត្ថា បានបង្ហាញទំនុកច្រៀងរបស់លោកក្នុងផលិតកម្ម Galaxy Navatra ចំនួនបីបទ ដោយបទទីមួយរបស់លោកមានចំណងជើងថា មិត្តខ្ញុំ បកស្រាយដោយកុមារ៉ា ធឿន បុរី និង បទ ទីពីរ បកស្រាយដោយលោក ខេម មានចំណងជើងថា ខ្ញុំមានស្នេហាម្នាក់ឯង និង បទទីបី បកស្រាយដោយលោក វង្ស ថាណាន់ មានចំណងជើងថា នាឡិកាជីវិតខ្ញុំគាំងហើយ ។

ហើយមកដល់ពេលនេះលោក អេង វុត្ថា ហាក់មានក្តីសង្ឃឹមក្នុងការជោគជ័យទៅលើវិស័យតែងនិពន្ធរបស់លោកហើយ ដោយខណៈពេលនេះលោកបានកំពុងតែនិពន្ធបទចម្រៀងដល់លោក វណ្ណា ស័ក្ក ដែលជ្រកក្រោមទ្រនំផលិតកម្ម អេចប៊ី។

ខាងក្រោមនេះជាបទទីមួយដែលលោក អេង វុត្ថានិពន្ធសម្រាប់លោក វណ្ណា ស័ក្ក

សូមទស្សនាវីឌីអូ៖

អត្ថបទ៖ ស្លាបប៉ាកកាមាស