តើកញ្ញា កែវ សេងលីហួរ អាចនឹងដណ្តើមម្កុដបវរកញ្ញាកម្ពុជា២០២១យកមកគ្រងបានដែរឬទេ?
បវរកញ្ញា ភពផែនដី ២០១៨ តំណាងឲ្យប្រទេសកម្ពុជា ទៅប្រកួតនៅលើឆាកអន្តរជាតិ កញ្ញា កែវ សេងលីហួរ បានដាក់ពាក្យចូលរួមប្រកួតបវរកញ្ញាកម្ពុជា២០២១ ក្នុងគោលបំណងចង់ក្លាយជាម្ចាស់ម្កុកបវរកញ្ញាកម្ពុជា២០២១ ដើម្បីទៅចូលរួមប្រកួតបវរកញ្ញាអន្តរជាតិនាពេលខាងមុខនេះ។
ឆ្លងកាត់ការប្រកួតយ៉ាងតឹងរឹងក្នុងការជ្រើសរើសយកបេក្ខនារីមួយរូបដើម្បីក្លាយជាម្ចាស់ម្កុដ បវរកញ្ញាកម្ពុជា ២០២១ អស់ពេលយ៉ាងយូរ មកដល់ពេលនេះគឺនៅមិនទាន់អាចរកបាន បេក្ខនារីដែលជាប់ជ័យលាភីនៅឡើយទេ។ ហើយនៅក្នុងនោះផងដែរ ក៏មានបេក្ខនារីមួយរូបដែលជាអតីតបវរកញ្ញា ភពផែនដី កញ្ញា កែវ សេងលីហួរ ក៏កំពុងព្យាយាមក្នុងការប្រជែងយកម្កុដជាមួយនិងបេក្ខនារីផ្សេងៗផងដែរ។
កញ្ញា កែវ សេងលីហួរ បន្ទាប់ពីឆ្លងកាត់ការប្រកួតបវរកញ្ញាភពផែនដី២០១៨រួចមក យើងសង្កេតឃើញថា កញ្ញា កែវ សេងលីហួរ តែងតែបង្ហាញខ្លួននៅលើឆាកបវរកញ្ញាផ្សេងៗនៅតាមបណ្តារប្រទេសជាច្រើនដូចគ្នា មុនពេលដែលកញ្ញាមកចូលរួមប្រកួតបវរកញ្ញាកម្ពុជា២០២១នេះ។
តើបេក្ខនារីរូបណានឹងអាចក្លាយជាម្ចាស់ម្កុដបវរកញ្ញាកម្ពុជា២០២១នេះ? តើកញ្ញា កែវ សេងលីហួរ អាចសម្រេចគោលបំណងក្នុងការដណ្តើមយកម្កុដបវរកញ្ញាកម្ពុជា២០២១បានដែរឬទេ?
សូមរងចាំតាមដានទាំងអស់គ្នានៅលើផេកផ្លូវការរបស់បវរកញ្ញាកម្ពុជាដែលមានឈ្មោះថា Miss Grand Cambodia ទាំងអស់គ្នា។
អត្ថបទ៖ ស្លាបប៉ាកកាមាស
ព័ត៌មានថ្មីៗ
