សកម្មភាពកាត់ក្រីនិងដកហូតដើមឈើមានហានិភ័យខ្ពស់ និងបាំងទេសភាពនៅបរិវេណប្រាសាទក្រវ៉ាន់
យោងតាមការបង្ហោះរបស់អាជ្ញាធរជាតិអប្សរា នាព្រឹកថ្ងៃទី ០៣ខែ តុលាឆ្នាំ២០២១ ទាក់ទិននឹង ភ្នាក់ងារទេសចរណ៍បន្តការងារយ៉ាងសកម្មដើម្បីបរិស្ថានអង្គរ។
ខាងក្រោមនេះគឺជាអត្ថន័យទាំងស្រុងដែល អាជ្ញាធរជាតិអប្សរាបានរៀបរាប់៖
ក្រុមការងារនាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន រួមជាមួយផ្នែកពាក់ព័ន្ធបានចុះពិនិត្យ និងអនុវត្តវិធានការបន្ទាន់ចំពោះដើមឈើចំនួន១៦ដើមដែលមានហានិភ័យខ្ពស់ នៅបរិវេណប្រាសាទក្រវ៉ាន់។
ការងារធ្វើឡើងដើម្បីធានាសុវត្តិភាពជូនភ្ញៀវទេសចរ ជៀសវាងគ្រោះថ្នាក់ប៉ះពាល់ដល់អាយុជីវិត និងបង្កលក្ខណះងាយស្រួលសម្រាប់ការទស្សនាទេសភាពជុំវិញប្រាសាទក្រវ៉ាន់ផង។
ដើមឈើដែលបានកាត់ដកហូតរួមមាន ដើមអំពិលងាប់១ដើម និងពុទ្រា៣ដើម(ផ្កាមានក្លិនស្អុយ)។ ចំណែកឯដើមឈើដែលបានកាត់ក្រីមែក១២ដើម រួមមាន ឈើទាល១០ដើម អង្កាញ់១ដើម និងត្រាងអោបចំបក់១ដើម ដែលមានមែកសាខាច្រើន ដុះក្បែរប្រាសាទ និងផ្លូវចូលប្រាសាទ ត្រូវបានកាត់ក្រី៣៧មែកចេញ ដើម្បីសម្រាលតួដើម ចៀសវាងដួលរលំមកលើប្រាសាទ និងភ្ញៀវទេសចរ៕
អត្ថបទ និងរូបភាព៖ នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន
ប្រភព៖ អាជ្ញាធរជាតិអប្សរា
ព័ត៌មានថ្មីៗ
