ថ្ងៃពិសេសរបស់តារាចម្រៀង វីរៈនិច្ច ភ្ញៀវចូលរួមសុទ្ធតែតារាល្បីៗក្នុងប្រទេសតែម្តង
អាពាហ៍ពិពាហ៍ជាសក្ខីភាពបញ្ជាក់ចំណងស្នេហាព្រមទាំងជាជំហានដំបូងនៃការចាប់ផ្តើមជីវិតបែបស្វាមី ភរិយា ហើយក៏ជាសេចក្តីប្រាថ្នារបស់មនុស្សស្រីគ្រប់រូប ដែលតែងតែចង់បានមនុស្សដែលខ្លួនស្រលាញ់មកមើលថែថ្នាក់ថ្នមយល់ចិត្តនឹងលួងលោមអស់មួយជីវិតរបស់ខ្លួនផងដែរ។
ក្រលេកទៅមើលកញ្ញា វីរៈនិច្ច វិញ ក្រោយពីភ្ជាប់ពាក្យអស់រយៈពេលប៉ុន្មានខែកន្លងទៅ ពេលនេះតារាចម្រៀង វីរៈនិច្ច ជាមួយនិងគូដណ្តឹង ឈានចូលដល់ថ្ងៃរៀបអាពាហ៍ពិពាហ៍ហើយ។
ហើយថ្ងៃពិសេសរបស់តារាចម្រៀងក្នុងផលិតកម្មសាន់ដេ វីរៈនិច្ច ដែលប្រារព្ធឡើងនាថ្ងៃទី១៦ ខែ តុលា ឆ្នាំ ២០២១ យើងសង្កេតឃើញថាមានតារាជាច្រើនចូលរួមមិនថាជាតារាចម្រៀងឬតារាសម្តែង តារាកំប្លែងនោះទេ គឺមកចូលរួមយ៉ាងកុះករតែម្តង។
ជាមួយគ្នានេះដែរ សារព័ត៌មាន KnongSrok Plus TV ក៏សូមជូនពរដល់តារាចម្រៀងវីរៈនិច្ចជាមួយនឹងស្វាមី ស្រលាញ់គ្នាជានិរន្តរ៍។
អត្ថបទ៖ ស្លាបប៉ាកកាមាស
ព័ត៌មានថ្មីៗ
