ពូជក្រពើដែលកាចសាហាវទាំង៦នៅទូទាំងពិភពលោក
ក្រពើគឺជាពពួកសត្វដ៏កាចសាហាវដែលអាចបង្កគ្រោះថ្នាក់ដល់ទាំងមនុស្ស និង សត្វ។ ជាទូទៅក្រពើគឺចេញវាយប្រហារនៅពេលដែលពួកវាមានភាពស្រេកឃ្លាន និង ដើម្បីការពារទឹកដីក៏ដូចជាកូនរបស់វា។ ហើយខាងក្រោមនេះគឺជាពូជក្រពើទាំង៦ប្រភេទដែលកាចសាហាវបំផុតនៅលើពិភពលោក៖
១.Nile Crocodile (Crocodylus niloticus)
ពពួកនេះភាគច្រើនរស់នៅក្នុងទឹកសាប ឬ បឹងបួរជាដើម។ ពួកវាមានប្រវែងពី ៥ទៅ៦ម៉ែត្រពេលពេញវ័យហើយត្រូវបានគេចាត់ទុកថាជាពូជក្រពើគ្រោះថ្នាក់បំផុតដោយសារវាបានសម្លាប់មនុស្សលើសពី៣០០នាក់ក្នុងមួយឆ្នាំ។
២.Saltwater Crocodile (Crocodylus porosus)
ថ្វីត្បិតថាក្រពើប្រភេទនេះមានឈ្មោះថា Saltwater ពិតមែន តែវាក៏អាចរស់នៅក្នុងទឹកសាបផងដែរ។ ក្រពើនេះពេលលូតលាស់ពេញវ័យអាចមានប្រវែងរហូតដល់ទៅ៦ម៉ែត្រ និង មានទម្ងន់ប្រហែល៥០០គីឡូក្រាម។
៣.American Alligator (Alligator mississippiensis)
ក្រពើនេះមានដើមកំណើតនៅក្នុងសហរដ្ឋអាមេរិក ដែលភាគច្រើនរស់នៅក្នុងវាលភក់ និង បឹងជាដើមហើយជាទូទៅវាមានប្រវែងពី៤ទៅ៤.៥ម៉ែត្រ។ ពួកវាតែងមានប្រវត្តិសម្លាប់មនុស្សជារឿយៗប៉ុ ន្តែមូលហេតុភាគច្រើនគឺបណ្តាលមកពីមនុស្សព្យាយាមចាប់វាមុនទេទើបវាវាយបកវិញ។
៤.Gharial (Gavialis gangeticus)
ពួកនេះរស់នៅតាមទន្លេនៃប្រទេសណេប៉ាល់ និង ឥណ្ឌាហើយវាមានរូបរាងគួរឲ្យកត់សម្គាល់ដោយសារតែវាមានមាត់ស្រួចហើយវែងខុសពីក្រពើដទៃទៀត។ ក្រពើពូជ Gharial នេះជាធម្មតាមិនវាយប្រហារមនុស្សផ្ទាល់ៗនោះទេតែវាតែងតែស៊ីសាកសពដែលត្រូវបានគេបណ្តែតតាមដងទន្លេនៅពេលមានពិធីបុណ្យសព។
៥.Mugger Crocodile (Crocodylus palustris)
ក្រពើពូជនេះអាចរស់នៅបានទាំងក្នុងទឹកសាប ទឹកប្រៃ និង ម្តុំវាលភក់។ វាមានមាត់រាងវែងហើយសំប៉ែត និង មានប្រវែងពី៤ទៅ៥ម៉ែត្រ។ យោងតាមឯកសារ CrocBITE ពូជនេះបានវាយប្រហារទៅលើមនុស្ស ១១០នាក់ពីឆ្នាំ២០០៨ទៅ២០១៣។
៦.Black Caiman (Melanosuchus niger)
ពពួកនេះភាគច្រើនរស់នៅប៉ែកអាមេរិកខាងត្បូង និង តាមដងទន្លេ Amazon។ ពួកវាតែងតែស៊ីសាច់ត្រី និង សត្វល្មូនផ្សេងទៀតជាអាហារ។ ក្រពើ Black Caiman នេះបើសិនជាឈ្មោលគឺអាចមានប្រវែងលើសពី៤ម៉ែត្រ ហើយធ្លាប់មានប្រវត្តិវាយប្រហារយ៉ាងព្រៃផ្សៃទៅលើមនុស្សជារឿយៗ៕
ប្រភព ៖ បរទេស
ព័ត៌មានថ្មីៗ
