អាជ្ញាធរជាតិអប្សរា កំពុងដំណើរការសិក្សាដើម្បីជួសជុលខ្លោងទ្វារខាងលិចប្រាសាទបន្ទាយក្តី
យោងតាមការបង្ហោះរបស់អាជ្ញាធរជាតិអប្សរា កាលពីរសៀលថ្ងៃទី១៥ ខែ វិច្ឆិកា ឆ្នាំ ២០២១ ទាក់ទិនជាមួយនឹង ការកំពុងដំណើរការសិក្សាដើម្បីជួសជុលខ្លោងទ្វារខាងលិចប្រាសាទបន្ទាយក្តីរបស់អាជ្ញាធរជាតិអប្សរា។
ក្រុមអ្នកបច្ចេកទេសអាជ្ញាធរជាតិអប្សរា កំពុងយកចិត្តទុកដាក់ជួសជុលខ្លោងទ្វារខាងលិចប្រាសាទបន្ទាយក្តី ដែលទទួលរងការខូចខាតធ្ងន់ធ្ងរ ប្រឈមនឹងគ្រោះថ្នាក់ខ្លាំង។
ការជួសជុលបានចាប់ដំណើរការពីខែតុលា ឆ្នាំ២០២១ មកឃើញថា៖ ខ្លោងទ្វារមានការខូចខាតខ្លាំង និងរចនាសម្ពន្ធសំណង់ដែលមានភាពស្មុគស្មាញ។ រហូតមកដល់ពេលនេះការងារសម្រេចបានជាង៣០ភាគរយហើយ។
ដោយឡែក ការងារដែលត្រូវអនុវត្តបន្តដូចជា ធ្វើការសិក្សាដើម្បីពង្រឹងរចនាសម្ពន្ធផ្នែកខាងក្រោម និងជួសជុលពង្រឹងខ្លោងទ្វារទាំងមូលឡើងវិញ គ្រោងបញ្ចប់នាដំណាច់ឆ្នាំ២០២២ ខាងមុខ៕
អត្ថបទ: នាយកផ្សព្វផ្សាយ
រូបភាព: លោក ហ៊ុំ រិទ្ធី
ប្រភព៖ អាជ្ញាធរជាតិអប្សរា
ព័ត៌មានថ្មីៗ
