ផលប៉ះពាល់នៃសម្ពាធឈាមទាប ដែលមិនសូវមានអ្នកចាប់អារម្មណ៍
គ្នាយើងទំនងតែងតែគិតថា ការមានសម្ពាធឈាមខ្ពស់ធ្វើអោយគ្រោះថ្នាក់ដល់សុខភាព។ ប៉ុន្តែ គ្នាយើងដែលដឹងទេថាការមានសម្ពាធឈាមទាប ក៏ធ្វើឲ្យយើងមានបញ្ហាសុខភាពមិនចាញ់គ្នាដែរ?
យោងតាមសមាគមផ្នែកបេះដូងអាមេរិកបានអោយដឹងថា សម្ពាធឈាមធម្មតាគឺត្រូវធ្វើការវាស់សម្ពាធឈាមចំនួនពីរ គឺសម្ពាធឈាមខ្ពស់ និង សម្ពាធឈាមទាប។
ចំពោះអ្នកខ្លះមានសម្ពាធឈាមទាបនៅគ្រប់ពេលទាំងអស់ ព្រោះជាទូទៅអ្នកដែលមានរូបរាងស្គម និងសកម្មច្រើនគឺតែងតែមានសម្ពាធឈាមទាប។ ប៉ុន្តែ ក្នុងករណីខ្លះ សម្ពាធឈាមទាបមិនមែនជារឿងធម្មតានោះទេ តួយ៉ាងដូចជានៅក្នុងលក្ខខណ្ឌមួយចំនួនដូចជា ៖
• ការឆ្លងមេរោគ ជាពិសេស នៅក្នុងករណីដែលបាក់តេរីចូលក្នុងចរន្តឈាម
• រោគខ្វះគ្រាប់ឈាមក្រហម
• អាលែកហ្ស៊ីធ្ងន់ធ្ងរ
• ចង្វាក់បេះដូងដើរមិនទៀង
• ជំងឺខ្សោយបេះដូង
• ការថយចុះបរិមាណឈាម
• ឬ មានជំងឺទឹកនោមផ្អែមជាដើម។
ហើយអ្នកមានសម្ពាធឈាមទាបមានរោគសញ្ញាដូចជា៖
+ ចេះតែចង់ក្អួត
+ ស្រេកទឹកខុសធម្មតា
+ ស្រវាំងភ្នែក
+ ស្បែកមានសភាពស្លេកស្លាំង
+ ដកដង្ហើមញាប់ៗ
+ អស់កម្លាំង និង ថប់បារម្ភ
ប្រភព ៖ បរទេស
ប្រែសម្រួលដោយ ៖ SreyNoch Long
រក្សាសិទ្ធដោយ៖ ក្នុងស្រុក
ព័ត៌មានថ្មីៗ
