ចង់បំបាត់ភាពតានតឹង អ្នកគួរតែជ្រើសយកវិធីធ្វើលំហាត់ប្រាណ
នៅពេលដែលអ្នកត្រូវជួបនឹងភាពតានតឹងជាបន្តបន្ទាប់ និងពិបាកក្នុងការគ្រប់គ្រងអារម្មណ៍របស់ខ្លួនឯង អ្នកអាចសាកល្បងអនុវត្តជំហានសាមញ្ញមួយចំនួនខាងក្រោមនេះបាន ដើម្បីជួយសម្រាលភាពតានតឹងទាំងនោះចេញពីខួរក្បាលរបស់អ្នក!
ការធ្វើសកម្មភាពរាងកាយអាចជួយបន្ថយកម្រិតស្ត្រេសទូទៅរបស់អ្នក និងធ្វើឱ្យគុណភាពជីវិតរបស់អ្នកប្រសើរឡើង ទាំងផ្លូវចិត្ត និងរាងកាយ។ ការធ្វើលំហាត់ប្រាណជាទៀងទាត់អាចមានឥទ្ធិពលវិជ្ជមានលើអារម្មណ៍របស់អ្នកដោយការបន្ធូរបន្ថយភាពតានតឹង ការថប់បារម្ភ កំហឹង និងការធ្លាក់ទឹកចិត្តកម្រិតស្រាល។ វាក៏ជួយធ្វើឱ្យប្រសើរឡើងនូវគុណភាពនៃការគេងរបស់អ្នកផងដែរ។
សកម្មភាពរាងកាយក៏ជួយធ្វើអោយប្រសើរឡើងនូវសមត្ថភាពរាងកាយរបស់អ្នកក្នុងការប្រើប្រាស់អុកស៊ីសែន និងធ្វើអោយលំហូរឈាមប្រសើរឡើងផងដែរ ដែលការផ្លាស់ប្តូរទាំងពីរនេះមានឥទ្ធិពលផ្ទាល់ទៅលើខួរក្បាលរបស់អ្នក។ ម្យ៉ាងទៀត វាថែមទាំងអាចជួយកាត់បន្ថយកម្រិតស្ត្រេសទូទៅរបស់អ្នក និងធ្វើឱ្យគុណភាពជីវិតរបស់អ្នកប្រសើរឡើង ទាំងផ្លូវចិត្ត និងរាងកាយ។ ជាធម្មតា ការធ្វើលំហាត់ប្រាណទៀងទាត់អាចមានឥទ្ធិពលវិជ្ជមានលើអារម្មណ៍របស់អ្នកដោយការបន្ធូរបន្ថយភាពតានតឹង ការថប់បារម្ភ កំហឹង និងការធ្លាក់ទឹកចិត្តកម្រិតស្រាល។ វាក៏ជួយធ្វើឱ្យប្រសើរឡើងនូវគុណភាពនៃការគេងរបស់អ្នកផងដែរ។
សកម្មភាពរាងកាយក៏រួមចំណែកក្នុងការជួយដោះស្រាយកង្វល់របស់អ្នកបានដែរ។ ព្រោះចលនាដដែលៗដែលពាក់ព័ន្ធនឹងការធ្វើលំហាត់ប្រាណអាចលើកកម្ពស់ការផ្តោតអារម្មណ៍លើរាងកាយរបស់អ្នកជាជាងចិត្តរបស់អ្នក។ ហើយតាមរយៈការផ្តោតអារម្មណ៍លើចង្វាក់នៃចលនា អ្នកនឹងទទួលបានអត្ថប្រយោជន៍ដូចគ្នាជាច្រើននៃការធ្វើសមាធិពេលកំពុងហាត់ប្រាណ ដោយការផ្តោតអារម្មណ៍នេះអាចជួយផ្តល់នូវភាពស្ងប់ស្ងាត់ និងភាពច្បាស់លាស់។
មនុស្សមួយចំនួនកត់សម្គាល់ពីភាពប្រសើរឡើងនៃអារម្មណ៍របស់ពួកគេភ្លាមៗបន្ទាប់ពីការហាត់ប្រាណ។ បន្ថែមពីលើការជះឥទ្ធិពលដោយផ្ទាល់ទៅលើកម្រិតស្ត្រេសរបស់អ្នក ការហាត់ប្រាណទៀងទាត់ក៏ជួយលើកកម្ពស់សុខភាពល្អបំផុតតាមវិធីផ្សេងទៀតផងដែរ ដែលរួមមានដូចជា៖
- ពង្រឹងសាច់ដុំ និងឆ្អឹង
- ពង្រឹងភាពស៊ាំ
- កាត់បន្ថយហានិភ័យនៃជំងឺ និងការឆ្លងមេរោគ
- កាត់បន្ថយសម្ពាធឈាម
- បង្កើនកម្រិតកូឡេស្តេរ៉ុលល្អក្នុងឈាម
- ធ្វើអោយប្រសើរឡើងនូវចរន្តឈាម
- បង្កើនសមត្ថភាពគ្រប់គ្រងទម្ងន់
- ជួយឱ្យអ្នកគេងលក់ស្រួលនៅពេលយប់
- និង បង្កើនថាមពល។
តើអ្នកត្រូវការលំហាត់ប្រាណប៉ុន្មាន?
សមាគមបេះដូងអាមេរិក (American Heart Association Trusted Source) (AHA) បានណែនាំឱ្យហាត់ប្រាណយ៉ាងហោចណាស់ 150 នាទី កម្រិតមធ្យមជារៀងរាល់សប្តាហ៍។ ពួកគេក៏លើកទឹកចិត្តឱ្យដាក់បញ្ចូលយ៉ាងហោចណាស់ពីរវគ្គនៃសកម្មភាពពង្រឹងសាច់ដុំសំខាន់ៗទាំងអស់របស់អ្នកដោយរួមទាំងដៃ ស្មា ទ្រូង ខ្នង ពោះ ជើង ពោះ និងសាច់ដុំស្នូលផ្សេងទៀតផងដែរ៕
ប្រភព ៖ បរទេស
ព័ត៌មានថ្មីៗ
