បញ្ហាដែលតែងតែកើតមានក្នុងទំនាក់ទំនងស្នេហាសព្វថ្ងៃនេះ

ការស្វែងរកមនុស្សពិសេសមិនមែនជារឿងងាយស្រួលនោះទេ ប៉ុន្តែវារឹតតែតានតឹងសម្រាប់គូស្នេហ៍សម័យនេះ ដែលតែងតែជួបបញ្ហាមិនចេះចប់មិនចេះហើយ។ ខាងក្រោមនេះគឺសុទ្ធតែជាបញ្ហាដែលជាទូទៅកើតមានក្នុងទំនាក់ទំនងស្នេហាសព្វថ្ងៃនេះ៖

1

១.ការផ្ញើសារធ្វើឲ្យដៃគូរម្ខាងទៀតមានការភាន់ច្រឡំ

សម័យនេះយើងទទួលបានព័ត៌មានសំខាន់បំផុតតាមរយៈស្មាតហ្វូន។ ដោយមនុស្សអាចចំណាយពេលច្រើនក្នុងការព្យាយាមបកស្រាយពីចេតនារបស់គ្នាទៅវិញទៅមកដោយតាមទូរស័ព្ទ តែការផ្ញើសារបែបនេះអាចធ្វើឱ្យដៃគូរភាន់ច្រឡំពីអត្ថន័យពិត ឬ អ្វីដែលយើងចង់និយាយ។

2

២.ខ្លាចរើសដៃគូរមិនត្រូវ

អំឡុងពេលមានស្នេហារួចទៅហើយ មនុស្សខ្លះនៅតែគិតថាខ្លាចខ្លួនរើសដៃគូខុស បើទោះបីជាបច្ចុប្បន្នខ្លួនមានដៃគូម្នាក់ដែលល្អគ្រប់គ្រាន់ក៏ដោយ។ ហើយធ្វើឱ្យពួកគេតែងតែសួរខ្លួនឯងថាតើបានធ្វើការជ្រើសរើសដៃគូជីវិតត្រឹមត្រូវហើយ ឬ នៅ ដែលជាហេតុធ្វើអោយពួកគេមិនប្រាកដចិត្ត និងតែងតែនាំបញ្ហាមកដាក់នៅក្នុងទំនាក់ទំនងស្នេហា។

3

៣.ការភ័យខ្លាចក្នុងការសម្រេចចិត្

គូស្នេហ៍សព្វថ្ងៃតែងតែអស់សង្ឃឹមពេលជួបបញ្ហាធំៗ ហើយសូម្បីតែនៅពេលធ្វើការសម្រេចចិត្តក៏ជាឧបសគ្គសម្រាប់ពួកគេដែរ រហូតដល់មានការខ្វែងគំនិត និងឈ្លោះគ្នាជាដើម។

4


៤.ការជ្រៀតជ្រែកដោយសាច់ញាតិ

បញ្ហាដែលគេតែងតែជួបប្រទះភាគច្រើនគឺកើតឡើងដោយសារតែមានការជ្រៀតជ្រែកពីសាច់ញាតិរបស់ពួកគេញឹកញាប់ពេក ដូច្នេះពួកគេងាយនឹងបាត់បង់ការសម្រេចចិត្តបែបឯកជនភាព។ ត្រូវចងចាំថា ឪពុកម្តាយ និងមិត្តភក្តិនឹងមិនដែលស្គាល់ដៃគូរបស់យើងច្បាស់ជាងខ្លួនយើងនោះទេ ដូច្នេះការសូមកុំព្យាយាមស្តាប់ពាក្យសម្តីពីពួកគាត់ច្រើនពេកនាំតែធ្វើឲ្យស្នេហាមានការរកាំរកូស។

5

៥.រំលឹកពីសង្សារចាស់

គ្មាននរណាម្នាក់ចង់ឮអំពីអតីតគូស្នេហ៍របស់ដៃគូខ្លួននោះទេ ក៏ប៉ុន្តែមានគូរស្នេហ៍ជាច្រើនដែលចូលចិត្តប្រៀបធៀបអ្នកថ្មីទៅនឹងអ្នកចាស់ ឬ រំលឹកពីកន្លែងដែលខ្លួនធ្លាប់ទៅជាមួយសង្សារចាស់។ ដូច្នេះចូលកែទម្លាប់អាក្រក់ទាំងនោះចេញ និងព្យាយាមកុំរំលឹកពីរឿងដែលកន្លងហួសទៀត។

6

៦.មិនជឿជាក់លើខ្លួនឯង

ក្រោយពីមានទំនាក់ទំនងស្នេហា មានមនុស្សមិនតិចនោះទេ ដែលយល់ថាខ្លួនមិនទាន់ល្អឥតខ្ចោះចំពោះដៃគូរបស់ខ្លួន ដែលជាហេតុនាំអោយមានការបាក់ទឹកចិត្ត មិនសប្បាយចិត្ត និងខ្វះទំនុកចិត្តនៅក្នុងរឿងស្នេហា៕

7

ប្រភព ៖ បរទេស