ក្រសួងនឹងចាត់វិធានការផ្តន្ទាតាមច្បាប់! ​ទាំងប្រធានសមាគមន៍សិល្បៈ ទាំងអ្នកលក់អនឡាញ ដែលបានបង្ហាញផលិតផលតេស្ត ​Covid-19 ក្លែងក្លាយដែលមិនទទួលស្គាល់ដោយ ​WHO និងក្រសួងសុខាភិបាល

ជាការពិតណាស់ ​ដោយសារតែវីរុសថ្មី  Covid-19  បាននឹងកំពុងតែរាលដាលខ្លាំងលើពិភពលោក  ថែមទាំងកម្ពុជាបានរកឃើញអ្នកផ្ទុកវីរុសនេះជាច្រើនករណីជាបន្តបន្ទាប់នោះ ​បានធ្វើឱ្យមហាជនមានការព្រួយបារម្ភជាខ្លាំង  ខ្លាចថាខ្លួនមានផ្ទុកវីរុសនេះរាល់ពេលមានរោគសញ្ញាសង្ស័យណាមួយ។

ដូច្នេះហើយបានជារាល់មានករណីសង្ស័យមានមនុស្សជាច្រើនបានសម្រុកទៅធ្វើតេស្តរកវីរុសនេះ យ៉ាងកុះករ ​តែដោយសារឧបករណ៍នេះមានកំណត់ គ្រូពេទ្យនឹងតាមដាន និងវិនិច្ឆ័យរោគសញ្ញាឱ្យអ្នកដែលមានភាគរយសង្ស័យខ្ពស់បំផុតប៉ុណ្ណោះដែលអចធ្វើការពិនិត្យរកវីរុស ​Covid-19  នេះបាន។

យ៉ាងណាមិញថ្មីៗនេះស្រាប់តែមានអ្នកលក់ទំនិញតាមអនឡាញជាច្រើន បានធ្វើការដាក់លក់ផលិតផលធ្វើតេស្តរកវីរុស ​Covid-19  នេះដោយខ្លួនឯងយ៉ាងអនាធិបតេយ្យ ​ថែមទាំងបានថតរូប និងវីដេអូពិសោធន៍ ដោយអះអាងថាជាឧបករណ៍ដែលចរាចរណ៍លើទីផ្សារចិន និងមានការទទួលស្គាល់ពីអង្គការពិភពលោក ​ដែលការពិតទៅវាជាឧបករណ៍ដែលមិនមានការទទួលស្គាល់ទាល់តែសោះ។

Virology Lab Work As Europe On Coronavirus High Alert

តាមរយៈគណនីហ្វេសប៊ុកលោក ផែង វណ្ណៈ បានឱ្យដឹងថា៖ «ព័ត៌មាន​ក្លែងក្លាយ​ ដេីម្បី​បំពុល​សង្គម​តែប៉ុណ្ណោះ​ !

សូមបងប្អូន​កុំជឿ​ និង​ ចាញ់​បោកការឃោសនាលក់ផលិតផល​ តេស្ត​ រក​កូវីដ​១៩​ ដែលបង្ហោះលក់តាម​ ហ្វេសប៊ុក​ អោយសោះ​ ព្រោះ​ក្រសួង​សុខាភិបាល​ ធ្លាប់​បញ្ជាក់ហេីយ​ គឺ​ មានតែ​ វិទ្យាស្ថាន​ ប៉ាស្ទ័រ​ ១​ គត់​ ដែលមានឧបករណ៍​ត្រឹមត្រូវ​ធ្វើ​តេស្ត​រកមេរោគ​ កូវីដ​ ១៩​ ច្បាស់​លាស់​ល្អ​ ។

ខ្ញុំសូម​អង្វរ​លោក​ លោកស្រី​ ដែល​ ចង់ល្បី​ ចង់មានបាន​ ដោយសារ​កូវីដ​ ១៩​ មេត្តា​ ស្ដាប់​តាមការណែនាំ​របស់​ក្រសួង​សុខាភិបាល​ផង​ ។ កុំចេះតែផ្សាយតាមអំពេីចិត្ត​ អាងអី​លប់ចេញវិញ​ ហេីយ​ផុសសុំទោសតាមក្រោយ​ ។ រឿងដដែល​ៗពេកហេីយ​ ! ​»។

S 58789

91865788_2827734970656630_6007595224790990848_n


90307746_2827735000656627_1762441745469014016_n

90279751_2827735043989956_7184304306982486016_n

ដើម្បីបញ្ជាក់ឱ្យច្បាស់ពីបញ្ហានេះ ​នាព្រឹកថ្ងៃទី ​២៩ ​ខែមីនា ​ឆ្នាំ ​២០២០ នេះ ក្រសួងសុខាភិបាលក៏បានចេញសេចក្តីប្រកាសបន្ថែមពីព័ត៌មានការរកឃើញអ្នកផ្ទុកវីរុស ​Covid-19  ផងដែរថា ​រាល់ឧបករណ៍តេស្តរក ​Covid-19  រហ័សដោយខ្លួនឯងដែលមានដាក់លក់នៅក្នុងអនឡាញមិនទាន់មានការទទួលស្គាល់ពីអង្គការសុខភាពពិភពលោក ​WHO  និងក្រសួងសុខាភិបាលនៅឡើយនោះទេ​ ​ពិសេសវាមានប្រសិទ្ធភាពទាបណាស់ ​អាចនឹងមានលទ្ធផលខុសពីការពិត ​ឬមិនច្បាស់។ ​ដូច្នេះប្រសិនជាមានជនណាម្នាក់ហ៊ានធ្វើការផ្សព្វផ្សាយលក់ជាសាធារណៈដោយមិនមានការអនុញ្ញាតិពីក្រសួងសុខាភិបាលនឹងត្រូវផ្តន្ទាទោសតាមផ្លូវច្បាប់។

ដោយបន្ថែមពីនោះគ្រសួងសុខាភិបាលក៏បានបញ្ជាក់ថា មានតែវិទ្យាស្ថានជាតិស្រាវជ្រាវសាធារណៈ និងវិទ្យាស្ថានប៉ាស្ទ័រកម្ពុជាតែប៉ុណ្ណោះដែលកំពុងតែប្រតិបត្តិការតាមបច្ចេកទេស និងគោលការណ៍របស់អង្គការសុខភាពពិភពលោក  ដែលលទ្ធផលមានការទទួលស្គាល់ជាផ្លូវការ សូមបងប្អូនកុំប្រើប្រាស់ឧបករណ៍តេស្តដោយខ្លួនឯងឱ្យសោះ៕

សូមអានសេចក្តីប្រកាសខាងក្រោមនេះដែលមាន ​២ទំព័រ ៖

Outbreak Coronavirus World 1024x506px

90909233_2897427063629714_5888253094545850368_n

91215345_2897427080296379_7364764414555193344_n