ដោយសារស្ថានភាព ​Covid-19 ក្រសួងអប់រំបានចេញសេចក្តីប្រកាស ​ពន្យារពេលនៃការប្រលងសញ្ញាបត្រ​មធ្យមសិក្សា​បឋម​ភូមិ និង​សញ្ញាបត្រ​មធ្យមសិក្សា​ទុតិយភូមិឆ្នាំនេះ

យោងទៅតាមសេចក្តីប្រកាសក្នុងសន្និសិទសារព័ត៌មាននៃបច្ចុប្បន្នភាព​ Covid-19 របស់សម្តេចតេជោហ៊ុនសែន ​កាលពីថ្ងៃទី ​៧ ​ខែមេសា ​ឆ្នាំ ​២០២០ ​សម្តេចបានចេញសេចក្តីប្រកាសជាច្រើនក្នុងស្មារតីទប់ស្កាត់នៃវីរុសរាតត្បាតជាសកលមួយនេះ ​ដោយមានទាំងការប្រកាសលុបចោលការរៀបចំកម្មវិធីបុណ្យចូលឆ្នាំខ្មែរ ​និងឱ្យបុគ្គលិកមន្ត្រីរាជការ រួមទាំងឯកជនធ្វើការធម្មតា ​ហើយចំពោះសិស្ស​និស្សិតអាចនឹងមិនអាចត្រលប់មកសិក្សាក្រោយបុណ្យចូលឆ្នាំនោះឡើយ។

250816na2

បន្ថែមពីការប្រកាសរបស់ប្រមុខរាជរដ្ឋាភិបាលកម្ពុជាទាក់ទងនឹងការទប់ស្កាត់ការរាតត្បាតនៃវីរុសថ្មីនេះ នាព្រឹកថ្ងៃទី ​៨ ​ខែមេសា ​ឆ្នាំ ​២០២០ ​នេះដែរ ​ក្រសួងអប់រំបានចេញប្រកាសស្ដី​ពី​ការ​ពន្យារពេល​រៀបចំ​ការ​ប្រឡង​សញ្ញាបត្រ​មធ្យមសិក្សា​បឋម​ភូមិ និង​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ។

ដោយ ការប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) ដែលគ្រោងធ្វើចាប់ពីថ្ងៃទី ១៧ សីហា ដល់ថ្ងៃទី ៩កញ្ញា ឆ្នាំ២០២០ និងការប្រឡងសញ្ញាបត្រមធ្យមសិក្សាបឋមភូមិ ដែលគ្រោងធ្វើនៅថ្ងៃទី៣ ខែសីហា ដល់ថ្ងៃទី១០ សីហាឆ្នាំ២០២០នឹងត្រូវបានពន្យារពេល ​ហើយក្រសួង​នឹង​កំណត់ និង​ជម្រាប​ជូន​អំពី​កាលបរិច្ឆេទ​នៃ​សម័យ​ប្រឡង​នៅ​ពេល​ក្រោយវិញ។

4af52202f77beb11ba59ce2056aa7878 4


នេះជាសេចក្តីប្រកាសទាំងស្រុង ​របស់ក្រសួងអប់រំយុវជន និងកីឡា ៖

C010ec4c4a91de3e99fd8d986f6c347b 1

7352ae8f22adc986a1aa4d4a9bc1353f 1